माइतीघर र जुम्ला घटनामा ज्यादती भयो भन्दै देउवाले यसरी गरे सरकारको सत्तोसराप
नेपाली काँग्रेसका सभापति शेरबहादुर देउवाले संसद् बैठक स्थगन गरिएकामा असन्तोष प्रकट गरेका छन् ।
प्रतिनिधिसभाको बैठक सारिएपछि संसद् परिसर नयाँ बानेश्वरमा प्रतिक्रिया दिँदै सभापति देउवाले माइतीघर मण्डला र जुम्ला घटनामा सरकारले ज्यादती गरेको बताएका हुन् ।
यसअघि प्रतिनिधिसभाको बिहीबारको बैठक संघीय संसद् भवन बाहिर सूचना टाँस गरी साउन ११ गते शुक्रबारसम्मका लागि सारिएको हो ।
सभापति देउवाले डा। केसीले उठाएका सबै माग र उनको स्वास्थ्य उपचारमा सरकारले ध्यान दिनुपर्ने बताए । यसअघिको सरकारले संसद्मा पेश गरेको चिकित्सा शिक्षा अध्यादेशको हुबहु विधेयक संसदमा ल्याइनुपर्ने उनको माग थियो ।
