मुखभित्र सुन ल्याउदै गर्दा यसरी परे प्रहरीको फन्दामा, अझै रोकएन सुन तस्करी
मुखभित्र सुन लुकाएर ल्याएका दुई जना भारतीलाई प्रहरीले त्रिभुवन अन्तर्राष्ट्रिय विमानस्थलबाट पक्राउ परेको छ । उनीहरुको साथबाट २ सय ५५ ग्राम सुन बरामद गरिएको छ ।
मंगलबार दुबईबाट काठमाडौं आएका भारतीय नागरिक रहिस अहमद र मोहम्मद अजामलाई प्रहरीले विमानस्थलबाट पक्राउ गरेको हो ।विमानस्थल भित्र केही नबोली इशाराको भरमा निस्किएको देखेपछि प्रहरीले उनीहरूलाई नियन्त्रणमा लिएको थियो ।
अहमदबाट एक सय १६ र अजामसँग एक सय ३९ ग्राम सुन बरामद भएको विमानस्थल प्रहरीले जनाएको छ । दुबै जनाले सुनका टुक्रा मुखभित्र लुकाएर ल्याएका थिए ।
पक्राउ परेका दुबै जनाबारे आवश्यक अनुसन्धानपछि राजश्व विभागमा बुझाउने प्रहरीले जनाएको छ ।
