बलात्कारको घटना बढ्दै, यस्तो घटनाले हाम्रो समाजलाई कता लादैछ, फेरी पनि १४ वर्षीय बालिका बलात्कृत

त्रिपुरासुन्दरी नगरपालिका–७ पहाडाकी १४ वर्षीया एक बालिक बलात्कृत भएकीछिन । बालिका बलात्कारको आरोपमा एक युवक पक्राउ परेका छन् । असार ३१ गते दिउँसो उनले ती बालिकालाई बलात्कार गरेको आरोपमा सोही स्थान निवासी २५ वर्षीय जीतबहादुर शाहीलाई प्रहरीले पक्राउ गरेको हो ।

जिल्ला प्रहरी कार्यालयका प्रहरी नायब उपरीक्षक हरिप्रसाद शर्माले पीडित बालिकाको स्वास्थ्य परीक्षण गर्नुका साथै र निजलाई हिरासतमा राखेर प्रारम्भिक अनुसन्धान पनि भइरहेकाले प्रमाणित भएमा कानून बमोजिम मुद्दा चलाइने बताए । यसै गरी सोही दिन उदयपुरमा विश्वकप २०१८ को फाइनल हेर्न गएकी युवतीमाथि सामुहिक बलात्कार भएको छ । सामुहिक बलात्कार गर्ने सिरहा लाहानका तीन युवालाई घटनास्थलबाटै प्रहरीले पक्राउ गरेको छ ।

पक्राउ परेका तीनै जनालाई सोमबार १२ बजे पत्रकार सम्मेलन गरी सार्वजनिक गरिने प्रहरीले जानकारी दिएको छ । ‘घटनामा संलग्न तीनै जनालाई प्रमाणसहित पक्राउ गरेको प्रहरीले जनाएको छ ।

यसरी समाजमा दिनदिनै छोरी चेलीहरु बलात्कृत हुनुले अब हाम्रो समाजमा अपराधिक कृयाकलापमा मानिसहरु गएको देखिन्छ । नैतिकवान र चरित्रवान समाज निर्माणको परिकल्पना गर्नुपर्ने यो समयमा यीर यस्ता घटनाले हाम्रो समाज अपराधउन्मुख हुदै गएको हो की भन्ने आभास हुन थालेको छ ।

 

प्रकाशित मिति : ३२ असार २०७५, सोमबार  १४ : ५८  बजे