प्रहरीमा ८ डिआईजीको अनिवार्य अवकाश, यसरी हुँदैछ विदाई अब, एआईजी प्रतिष्पर्धामा ५ जना मात्रै
नेपाल प्रहरीमा अतिरिक्त महानिरीक्षक ९एआईजी० को ३ वटै पद रिक्त रहँदै गर्दा प्रतिष्पर्धामा रहेका ५ जना डिआईजीले शुक्रबारबाट अनिवार्य अवकाश पाएका छन् ।
एआईजी बढुवाको प्रतिष्पर्धामा रहेका उत्तमकुमार कार्की, पवनप्रसाद खरेल, छबिलाल जोशी, ज्ञानविक्रम शाह र शरद चन्दले ३० वर्षे सेवाहदका कारण अनिवार्य अवकाश पाउन लागेका हुन् ।
उनीहरु २९ असार २०४५ मा प्रहरी निरीक्षक ९इन्स्पेक्टर० पदबाट सेवा आरम्भ गरेका अधिकृत हुन् ।
हाल कार्की अख्तियार दुरुपयोग अनुसन्धान आयोग, खरेल प्रहरी प्रधान कार्यालयको प्रशासन विभाग, शाह मानव स्रोत विभाग, जोशी कार्य विभाग र चन्द प्रदेश ७ मा कार्यरत् थिए ।
प्रतिष्पर्धामा रहे पनि समयमा सरकारले प्रक्रिया अघि नबढाउँदा बढुवा नभइ घर फर्किनु परेको ती अधिकृतहरुको गुनासो छ । आफूहरुमाथि सरकारले अन्यायपूर्ण व्यवहार गरेको उनीहरुको दुखेसो छ ।
उनीहरुसहित अन्य ३ डिआईजी श्याम खड्का, प्रेम चन्द र रविन्द्र शर्माले पनि अवकाश पाउँदैछन् ।
योसँगै अब एआईजी बढुवाको प्रतिष्पर्धामा ५ जना डिआईजी बाँकी रहेका छन् । जसमा पुष्कर कार्की, मनोज नेउपाने, धिरु बस्नेत, ठूले राई र सुरेश विक्रम शाह छन् ।
प्रहरीका केन्द्रीय प्रवक्ता एसएसपी शैलेश थापाका क्षेत्रीका अनुसार शुक्रबारबाट अवकाश पाउने अधिकृतहरु कार्यरत् सम्बन्धित कार्यालयमा विदाइ समारोह राखिएको छ । ‘अहिले सम्बन्धित युनिटले उहाँहरुलाई विदाइ गर्छ । पछि एकमुष्टमा आईजी सा’ब लगायतबाट विदाइ कार्यक्रम गरिनेछ’, क्षेत्रीले भने ।
