मोदीको विशेष निमन्त्रणामा प्रचण्ड भारत भ्रमणमा जाँदै, नेपाल कोरिया हिँडेपछि प्रचण्ड भारत जानुको यस्तो छ भित्री कुरा
सत्तारुढ दल नेकपाका अध्यक्ष एवम् पूर्वप्रधानमन्त्री पुष्पकमल दाहाल (प्रचण्ड) भारत भ्रमणमा जाने भएका छन् ।
भारतीय प्रधानमन्त्री नरेन्द्र मोदीको विशेष निमन्त्रणामा नेकपाका अध्यक्ष दाहाल छिट्टै भारत भ्रमणमा जान लागेका हुन् । भारत भ्रमणको क्रममा प्रचण्डले भारतीय प्रधानमन्त्री नरेन्द्र मोदी लगायतका प्रमुख पार्टीका अध्यक्षहरुसँग भेटघाट गर्ने कार्यक्रम समेत रहेको छ ।
अध्यक्ष प्रचण्ड मोदिको निमन्त्रणामा साउन दोस्रो साता भारतको नयाँ दिल्ली जाने कार्यक्रम बनेको उनी निकट उच्च स्रोतले बताएको छ । भेटका अवसरका बदलिदो राजनीतिक परिस्थितिका सम्बन्धमा समिक्षा हुने स्रोतले बताएको छ । नेकपाका अर्का नेता माधव नेपाल कोरिया भ्रमणमा निस्किेपछि प्रचण्ड भारत जान लाग्नुको मुख्य कारण के हो बुझ्न गाह्रो छ । प्रचण्डले कि पार्टी अध्यक्ष कि प्रधामन्त्री एउटा चाहियो भन्दै यसरी मोदीलाई गुनासो पोख्दैछन् ।
तत्कालिन नेकपा माओवादी केन्द्र र नेकपा एमालेबीच एकता भएर नेपाल कम्युनिष्ट पार्टी (नेकपा) गठन भएपछि प्रचण्डलाई भारत भ्रमणको निम्तो आएको थियो ।
प्रकाशित मिति : २८ असार २०७५, बिहिबार १५ : ४३ बजे
