गढीमाई नगरपालिकाको योजनाको भुक्तानी होटलबाटै गर्नै मेयरसहित ५ पक्राउ
रौतहटको गढीमाई नगरपालिकाको विभिन्न योजनाको भुक्तानी तथा तलब लगायतका कारोबार एक होटलबाट गरेको उजुरी परेपछि मेयरसहित ५ जना पक्राउ परेका छन् ।
पक्राउ पर्नेमा नगरपालिकाका मेयर श्यामप्रसाद यादव, कार्यकारी अधिकृत नरबहादुर विससहित ५ जना छन् ।
रौतहटका प्रमुख जिल्ला अधिकारी गोविन्दप्रसाद रिजालका अनुसार उनीहरुलाई चन्द्रनिगाहपुरको हिमालयन होटलबाट पक्राउ गरिएको हो । हाल जिल्ला प्रशासन कार्यालय, रौतहटमा उनीहरुलाई राखेर सोधपुछ गर्ने काम भइरहेको रिजालले बताए ।
