अब कांग्रेसलाई कुर्न नसक्ने भन्दै राष्ट्रियसभाले तोक्यो संसदीय सुनुवाई समितिमा तीन सदस्य
राष्ट्रियसभाले संसदीय सुनुवाई विशेष समितिमा तीन सदस्य मनोनित गरेको छ ।
सभाको शुक्रबार बसेको बैठकले समिति सदस्यमा सुमन प्याकुरेल, नन्दा चपाईँ र जितेन्द्रनारायण देवको नाम अनुमोदन गरेको हो ।
प्रतिनिधिसभाको सुनुवाई समितिको भने टुंगो लागेको छैन । सभामुख कृष्णबहादुर महराले दलहरुलाई समितिमा रहने सदस्यहरुको नाम पठाउन भनेका छन् ।
प्रमुख विपक्षी नेपाली कांग्रेसले संसदीय समितिका सभापतिहरुको भागबण्डा हुनु पर्ने भन्दै नाम दिएको छैन । सभामुख कृष्णबहादुर महराले भने अब कांग्रेसलाई धेरै दिन पर्खिन नसक्ने बताएका छन् ।
