कमाण्डरसहित तीन तालिबान मारिए
अफगानिस्तानको पूर्वी प्रान्त नान्गाहारमा कारबम विस्फोटमा परी तालिबानका एक वरिष्ठ कमाण्डरसहित तीन आतङ्ककारी मारिएका छन् ।
यस विस्फोटमा परी कम्तीमा चार जना तालिबान घाइते भएका छन् । प्रान्तीय सरकारका प्रवक्ता आताउल्लाह खोगीआनीले यस घटना र हताहतको पुष्टि गर्नुभएको छ ।
नान्गाहार प्रान्तको खोगाीआनी जिल्लामा एउटा कारमा बम जडान गरिएको र सोही विस्फोटमा परी तालिबानका वरिष्ठ कमाण्डर मुल्लाह हाकिमुल्लाहसहित तीन आतङ्ककारी मारिएका हुन् । यस घटनाको विस्तृत विवरण आउन बाँकी छ ।
प्रकाशित मिति : २१ असार २०७५, बिहिबार १८ : ३३ बजे
