चितवनमा बढ्दै अपराधका श्रृङ्खलाहरु, पाँच महिनामै घट्यो यति धेरैे घटना



हाम्रो इकोनोमि

पाँच महिनाको अवधिमा जघन्य अपराधका तीन दर्जन घटना भएका छन् ।

जिल्ला प्रहरी कार्यालय चितवनमा सन् २०१८ जनवरीदेखि मेसम्ममा ३६ वटा जघन्य अपराधका मुद्दा दर्ता भएका हुन् ।

अनौपचारिक सेवा केन्द्र ९इन्सेक० चितवनले आज यहाँ आयोजना गरेको नेपाल मानवअधिकार वर्ष पुस्तक, २०१८ को अर्धवार्षिक समीक्षा एवं जिल्लाको मानवअधिकारको अवस्था विषयक अन्तक्र्रियामा सो तथ्याङ्क सार्वजनिक गरिएको हो । सो समयमा १३१ घरेलु हिंसाका मुद्दा दर्ता भएको तथ्याङ्कमा उल्लेख छ ।

इन्सेक जिल्ला प्रतिनिधि दीपेन्द्र अधिकारीका अनुसार जघन्य अपराधमा बालबालिकामाथि हुने यौन दुव्र्यवहारका घटना बढी रहेका छन् । पाँच महिनामा १५ वटा बालबालिका यौन दुव्र्यवहारमा परेका छन् । उनीहरुमध्ये १३ वटा बालिका जबर्जस्ती करणी, एक बालक र एक बालिकामाथि दुव्र्यवहार भएको छ ।

यस्तै महिलामाथि हुने यौन हिंसाका घटना आठ वटा छन् । तीमध्ये तीनवटा जबर्जस्ती करणी र पाँचवटा करणी प्रयासका छन् । यो अवधिमा बेचबिखनमा चारवटा, बहुविवाहमा पाँचवटा र हत्यामा तीनवटा मुद्दा दर्ता भएको अधिकारीले बताउनुभयो । बेचबिखनमा तीनजना महिला र एक बालिका परेको तथ्याङ्कमा उल्लेख छ । हत्या हुनेमा सबै पुरुष रहेका छन् ।

चार वर्षदेखि १० वर्षमुनिका बालिका बढी मात्रामा जबर्जस्ती करणीमा पर्ने गरेको जिल्ला प्रहरी काार्यलय चितवनका प्रहरी नायब उपरीक्षक शिव शर्मा आचार्यले बताउनुभयो ।

उहाँका अनुसार पीडकहरु १९ देखि ७१ वर्ष उमेर समूहका छन् । अहिले जिल्लामा सवारी दुर्घटना, भवितव्य, सार्वजनिक मुद्दापछि जबर्जस्ती करणीका मुद्दाको संख्या धेरै रहेका छन् ।

आर्थिक अवस्था कमजोर भएका घरपरिवार र अभिभावकले रेखदेख गर्न नभ्याउने घरहरुमा बढी मात्रामा यस्ता घटना हुने गरेको उहाँले बताउनुभयो ।

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...