चितवनमा बढ्न थाले पर्यटक, यि हुन घुम्नै पर्ने ठाउँ



हाम्रो इकोनोमि

चितवन राष्ट्रिय निकुञ्ज र मध्यवर्ती सामुदायिक वनमा प्रवेश गर्ने पर्यटकको संख्यामा वृद्धि भएको छ । यससँगै राजस्व पनि बढेको छ ।

चितवन राष्ट्रिय निकुञ्जका सूचना अधिकारी नुरेन्द्र अर्यालका अनुसार चालु आवको ११ महिनामा एक लाख ४५ हजार ७०७ पर्यटक भित्रिएका छन् जसमध्ये ९४ हजार ३७५ विदेशी, १८ हजार १८५ सार्क मुलुकका र ३३ हजार १४७ नेपाली रहेका छन् । यो संख्या गत आवको पूरै वर्षको भन्दा बढी हो ।

गत आवमा एक लाख ३९ हजार ९७८ पर्यटक भित्रिएका थिए जसमध्ये ८८ हजार १९ विदेशी, १५ हजार ९०६ सार्क मुलुकका र ३६ हजार ५३ नेपाली रहेका थिए ।

यसैगरी, आव २०७२÷०७३ मा ८७ हजार ३९१ मात्रै पर्यटक भित्रिएका थिए जसमध्ये ५० हजार १९३ विदेशी, छ हजार ६०६ सार्कका र ३० हजार ५९२ नेपाली रहेका थिए । त्यसवर्ष भूकम्प र नाकाबन्दीका कारण पर्यटकको संख्यामा कमी आएको थियो ।

पर्यटकको संख्या बढेसँगै राजस्व पनि बढेको छ । अर्यालका अनुसार यसवर्षको जेठ मसान्तसम्ममा रु २३ करोड ७५ लाख ६३ हजार राजस्व संकलन भएको छ । गत आवमा रु २२ करोड ५१ लाख ६३ हजार राजस्व संकलन भएको थियो भने आव २०७२÷०७३ मा १३ करोड १२ लाख २० हजार संकलन भएको अर्यालले जानकारी दिनुभयो ।

पछिल्ला वर्षमा नारायणगढ–मुग्लिन सडक विस्तारका कारण दिनमा सडक बन्द हुने भएकाले पर्यटकको संख्यामा कमी आएको थियो । आउँदो वर्षदेखि पर्यटकको संख्या उल्लेख्य वृद्धि हुने क्षेत्रीय होटल संघ, सौराहाका अध्यक्ष सुमन घिमिरेले बताउनुभयो । भूकम्प, नाकाबन्दी, सडक अवरोध जस्ता समस्या समाधान भएको भन्दै उहाँले आउँदो वर्ष उत्साहजनक रुपमा पर्यटक जिल्ला भित्रिने अनुमान गरिएको बताउनुभयो ।

 

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...