सट्टेबाजीको नाममा ठगी गर्ने अग्रवाल प्रहरीको फन्दामा, २ करोड ४० लाख ठगी
धनुषाको जनकपुर नगरपालिका ३ घर भई काठमाडौंको पानीपोखरी बस्ने अमृत भन्ने नथमल अग्रवालले आइपिएल क्रिकेटको सट्टबाजीको नाममा २ करोड ४० लाख रुपैया ठगी गरेको पाइएको छ ।
महानगरीय अपराध महाशाखाले अग्रवाललाई पक्राउ गरेपछि नेपालमा आइपिएल क्रिेकटको नाममा सट्टेवाजी र ठगीको घटना बाहिर आएको हो । अपराध महाशाखाका प्रवक्ता एसपी नरेन्द्र उप्रेतीका अनुसार अग्रवालले भारतमा चलेको क्ष्एी क्रिकेटमा सट्टेबाजीमा रकम राख्दा ३ महिनामा तेव्बर हुने र हारेमा रकम फिर्ता हुन्छ भनी बिभिन्न ब्यक्तिबाट अग्रवालले सो रकम ठगी गरेका थिए ।
महोत्तरीको मनरासिसुवा नपा २ घर भई हाल काठमाडौंको सिफल बस्ने राकेश सिंह लगायतका व्यक्तिहरुबाट अग्रवालले सो रकम ठगी गरेका हुन । पीडितलाई ललाई फकाई रकम लिएपछि सम्पर्कबिहीन भएको अग्रगालबिरुद्ध उजुरी परेलगत्तै प्रहरीले खोजी तीब्र बनाएको थियो ।
दुई करोड चालिस लाख ठगी गरी सम्पर्क बिहिन भएको भनी महाशाखामा जाहेरी दरखास्त प्राप्त भए पश्चात निजको खोजतलाश गर्ने क्रममा शनिवार पानीपोखरीबाट अग्रवाललाई पक्राउ गरिएको एसपी जानकारी दिनुभयो । मुलुकी ऐन ठगी महलको दफा ४ अनुसार ५ वर्षसम्म कैद र विगो भराई विगो बमोजिम जरिवाना हुने व्यवस्था रहेको छ ।
