बाजेको सेकुुवा बन्द हुदा राष्ट्रिय बाँणिज्य बैंकको डुब्यो आठ करोड
बाजेको सेकुुवाका सञ्चालक चेतन भण्डारी ३३ केजी सुन काण्डमा फरार भएपछि राष्ट्रिय वाणिज्य बैंकलाई असर परेको छ । व्यवसाय संचालनका लागि लिएको झण्डै आठ करोड रुपैयाँ कर्जा फसेकोले त्यसको सिधा असर सरकारी स्वामित्वको राष्ट्रिय बाँणिज्य बैंकलाई परेको हो ।
३३ केजी सुन प्रकरणमा सरकारले गठन गरेको छानवीन समितीले राजधानीको बिभिन्न ठाउँमा सञ्चालनमा रहेका छ वटा आउट लेटहरुलाई सिज गरिदिएपछि बाँणिज्य बैंक तनावमा फसेको हो ।
बाजेको सेकुुवामा राष्ट्रिय बाँणिज्य बैंकको सावाँ र व्याज समेत गरी झण्डै आठ करोड रुपैयाँ कर्जा फसेको छ ।
बाजेको सेकुुवाले व्यवसाय बिस्तार, ओभर ड्राफ्ट र हायर पर्चेज शिर्षकमा नेपाल एसबिआई बैंकसंग चार करोड ५० लाख रुपैयाँ कर्जा लिएको थियो ।
