अखिल (क्रान्तिकारी) को अनिश्चितकालीन शैक्षिक हड्तालका कारण चितवनमा पढाइ थप्प

राज्यले मौलिक अधिकारको रुपमा व्यवस्था गरिएको शिक्षालाई नीजिकरण र व्यापारीकरण गरेर नागरिकलाई शिक्षाको पहँसचबाट वञ्चित गराएको भन्दै त्यसलाई रोक्न आजबाट चितवनमा अखिल क्रान्तिकारीलेअनिश्चितकालीन शैक्षिक हड्ताल शुरु भएको छ ।

शिक्षामा निजीकरण र व्यापारीकरणको अन्त्य गरी निःशुल्क शिक्षा प्रणाली कायम गराउन राज्यमाथि दबाब स्वरुप शैक्षिक हड्ताल घोषणा गरिएको हड्ताल आयोजक अखिल ९क्रान्तिकारी० चितवनले जनाएको छ ।

शैक्षिक विसंगति र व्यापारी रोक्न माग गर्दा सरकारले संगठनका नेता तथा कार्यकर्तालाई दमन र धरपकड गरी झुठा मुद्दा लगाएको विरोधस्वरुप पनि हड्ताल शुरु गरिएको अखिल ९क्रान्तिकारी० चितवनले जनाएको छ । शैक्षिक समस्या समाधान नभएसम्म र क्रान्तिकारीका जिल्ला अध्यक्ष रमेश लामिछानेलगायतलाई प्रशासनले रिहाई नगरिएसम्म अनिश्चितकाली शैक्षिक हड्ताल फिर्ता नहुने उसले बताएको छ । अखिल ९क्रान्तिकारी० नेपाल कम्युनिस्ट पार्टी ९नेकपा०को विद्यार्थी संगठन हो ।

बन्दका कारण चितवन जिल्लाभित्रका सामूदायिक, निजीलगायत सम्पूर्ण शैक्षिक संस्थाहरु बन्द भएका छन् । पठनपाठन पूर्णरुपले ठप्प रहेको छ ।

प्रहरीले अखिल ९क्रान्तिकारी०का चितवन जिल्ला अध्यक्ष रमेश लामिछानेलाई दुई हप्ताअघि गिरफ्तार गरी हिरासतमा राखिएको छ । लामिछानेलाई सार्वजनिक अपराध गरेको मुद्दा लगाउन खोजिएको बुझिएको छ । उनलाई रत्ननगर नगरपालिकाको प्रहरी हिरासतमा राखिएको छ । साथै विद्यार्थी नेता बिरु तामाङलाई जिल्ला प्रहरी कार्यालय भरतपुरमा राखिएको छ । माडी क्याम्पास सदस्य सरोज भट्टराईलाई पनि झुठा मुद्दामा अनुसन्धान गर्न भन्दै हिरासतमा राखेका छन् ।

हड्ताललाई नेकपा चितवनले समर्थन जनाएको छ । शैक्षिक विकृति र विसंगति विरुद्ध र वैज्ञानिक शिक्षा प्रणाली निर्माणको दिशामा योजनासाथ संघर्ष गरिरहेका विद्यार्थी नेताहरुमाथि दलाल संसदीय सरकारले दमन र झुठा मुद्दा लगाएको विरोधमा जारी अनिश्चितकालीन शैक्षिक हड्तालप्रति नेकपाको समर्थन रहेको नेकपा चितवनका ईन्चार्ज लालबहादुर बिसीले बताए ।

‘दलाल संसदीय व्यवस्था र तिनको फासिवादी दमन र गिरफ्तारको विरोधमा अखिल ९क्रान्तिकारी०द्वारा घोषित अनिश्चितकालीन शैक्षिक हड्तालप्रति नेकपा चितवनको पूर्ण समर्थन छ’ ईन्चार्ज बिसीले भने ‘जिल्लामा गिरफ्तार गरिएको विद्यार्थी र पार्टीका सबै नेता कार्यकर्तालाई बिनासर्त तुरुन्त रिहा गर्न सरकारसँग माग गर्दछौं ।’

नेकपाका चितवन पार्टी र विद्यार्थी संगठनका गरी करिब आधा दर्जन नेता कार्यकर्ता विभिन्न आरोपमा हिरासत छन् । चितवनमा जारी अनिश्चितकालीन शैक्षिक हड्तालको प्रभाव राम्रो परेको र आन्दोलनबाट सही नतिजा निस्कनेमा आफू आशावादी रहेको अखिल ९क्रान्तिकारी०का केन्द्रीय अध्यक्ष चिरञ्वजीवि ढकालले अनलाइन डबलीलाई जानकारी दिए ।

पार्टी र विद्यार्थी संगठनका गरी करिब दर्जन नेता कार्यकर्ता विभिन्न आरोपमा हिरासत छन् । यो हड्ताल कार्यक्रम पूर्वघोषित कार्यक्रम हो ।

यसअघि अखिल क्रान्तिकारी चितवनका सचिव दर्पणले असार ५ गते एक पे्रस विज्ञप्ति जारी गरेर अध्यक्ष लामिछाने, माडी क्याम्पास सदस्य सरोज भट्टराईलगायत विद्यार्थी नेताहरुलाई निसर्त रिहा गर्न सरकार र गृह प्रशासनसँग मागसहित ७२ घण्टे अल्टिमेटम दिँदै माग सुनुवाईँ नभए अनिश्चितकालीन शैक्षिक हड्ताल गरिने जानकारी दिएका थिए ।