सिन्डिकेट हटाउने हाकिम नै अध्ययन कार्यदलबाट आउट
सिन्डिकेट खारेजीसँगै यातायात क्षेत्रलाई व्यवस्थित बनाउनको लागि गठित कार्यदलबाट यातायात व्यवस्था विभागका महानिर्देशक रुपनारायण भट्टराई आउट भएका छन् ।
सरकारले यातायात सिण्डिकेतको विषयमा अध्ययन गर्नको लागि यातायात व्यवसायीको समेत सहभागितामा कार्यदल गठन गरेको थियो । भौतिक पूर्वाधार तथा यातायात मन्त्रालयका सहसचिवको संयोजकत्वमा बनेको समितिमा यातायात व्यवस्था विभाग, ट्राफिक प्रहरी, विज्ञ सदस्य र यातायात व्यवसायीका प्रतिनिधिलाई सदस्य राखिएका छन् ।
तर, समिति गठन भए लगत्तै भौतिक पूर्वाधार तथा यातायात मन्त्री रघुवीर महाशेठको ठाडो निर्देशनमा सिन्डिकेट हटाउन महत्वपूर्ण भूमिका खेलेका यातायात व्यवस्था विभागका महानिर्देशक रुपनारायण भट्टराई मन्त्रालय तानिएका छन् ।
केही दिन श्रम मन्त्रालय पठाइएको भए पनि अहिले उनी फेरि भौतिकमा फर्काइएका छन्। भट्टराई केही समययता जिम्मेवारीविहीन अवस्थामा छन्। ुविशेष जिम्मेवारीुका लागि भन्दै मन्त्रालय तानिएका भट्टराई अहिले हाजिरी गर्दै घर फर्कँदै गर्नुपर्ने अवस्थामा छन्।
महाशेठको रुची बेगर गृहमन्त्री रामबहादुर थापाको बलियो साथमा उनले सिन्डिकेट त हटाए, तर भौतिक मन्त्रालयले भने कार्यदलबाट उनैलाई बिदा गरिदियो। सिन्डिकेट खारेजीलाई संस्थागत गर्न सरकाले के गर्दै छ र कार्यदलले कसरी काम गरिरहेको छ भन्ने पनि उनलाई जानकारी छैन।
