शिक्षकका लागि तालीम
कास्की जिल्ला माछापुच्छ«े गाउँपालिका शिक्षा शाखाको आयोजनामा गाउँपालिकाभित्र सञ्चालित ४५ विद्यालयका ९० जना प्राथमिक तहका शिक्षकका लागि दुईदिने तालीम आज सम्पन्न भएको छ ।
सो तालीममा प्रत्येक विद्यालयबाट कम्तीमा दुईजना शिक्षक पर्ने गरी बराह मावि भेडाबारी र शुक्लागण्डकी मावि भलाबोटमा केन्द्र कायम गरी तालीम सञ्चालन गरिएको माछापुच्छे« गाउँपालिकाका शिक्षा शाखा प्रमुख लोकनाथ आचार्यले बताउनुभयो । तालीममा प्रशिक्षक ढकबहादुर पुन, खिमलाल अधिकारी र सन्तोष आचार्यले सहजीकरण गर्नुभएको थियो ।
तालीमले कक्षाकोठाको शिक्षण सिकाइलाई प्रभावकारी बनाउने अपेक्षा गरिएको सहभागीले बताएका छन् । उक्त तालीमबाट अंग्रेजी माध्यमको पठनपाठनलाई सहयोग पुग्ने र प्रभावकारी हुने अपेक्षा गरिएको छ ।
