नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहालबीच दाहाल प्रचण्डबीच गोप्य वार्ता भइरहेको छ । दुई नेताबीच प्रचण्ड निवास खुमलटारमा वार्ता भइरहेको हो । दुई नेताको भेटका कारण बिहान ११ बजे बस्ने भनिएको कार्यदलको बैठक दिउँसो ३ बजेलाई सरेको छ ।
मुख्यमन्त्री लगायतका विषयमा ओली र प्रचण्डबीच मोटोमोटी सहमति भएपनि सभामुखको बिषयमा कुरा नमिल्दा कार्यदलको बैठक सरेको श्रोतको भनाई छ । माओवादी केन्द्रले मुख्य मन्त्री र सभामुख फरक फरक दलबाट हुनुपर्ने प्रस्ताव गर्दै २ मुख्य मन्त्री र ४ सभामुख पाउनुपर्ने माग गरेको छ भने एमालेले ४ मुख्यमन्त्रीसँगै ४ वटै सभामुखमा दाबी गरेको छ । भेटमा पार्टी एकता र राष्ट्रिय सभा निर्वाचनका बारेमा छलफल भइरहेको बताइएको छ ।
दुई अध्यक्षबीच शुक्रबार पनि वार्ता भएको थियो । सरकार गठन पहिले कि पार्टी एकता पहिले भन्ने विवाद जारी रहेका बेला दुई अध्यक्षबीच ‘वान टु वान’ वार्ता बाक्लिएको छ । यसअघिका प्रचण्ड ओलीनिवास बालकोट पुग्ने गरेपनि आज भने ओली प्रचण्ड निवास खुमलटार पुगेका हुन् ।
