मेगा बैंकले ६ प्रतिशत नाफा बढायो, दोस्रो त्रैमासको प्रतिसेयर आम्दानी ५ रुपैयाँ ३४ पैसा
मेगा बैंकले चालु आर्थिक वर्ष २०७४.७५ को ६ महिनामा ६ प्रतिशतले नाफा बढाएको छ।गत वर्षको ६ महिनाको तुलनामा बैंकले ६ प्रतिशत बढी नाफा कमाएको हो।
बैंकले ६ महिनामा ३९ करोड ३६ लाख रुपैयाँ नाफा गरेको छ।गत वर्षको सोही अवधिमा ३७ करोड ९ लाख रुपैयाँ थियो।बैंकले ६ महिनामा खुद ब्याज आम्दानी ८४ करोड ६३ लाख रुपैयाँ छ। बैंकले सोही अवधिमा २ अर्ब ४९ करोड रुपैयाँ ब्याज आम्दानी गरेको भए पनि ब्याज खर्च भने एक अर्ब ६५ करोड रुपैयाँ छ।बैंकले ६ महिनामा ४५ अर्ब ५७ करोड रुपैयाँ निक्षेप संकलन गरी ४० अर्ब ७६ करोड रुपैयाँ ऋण लगानी गरेको छ।
गत वर्षको सोही अवधिमा ३८ अर्ब ५१ करोड रुपैयाँ निक्षेप संकलन गरी ३४ अर्ब ६ करोड रुपैयाँ ऋण लगानी गरेको थियो।बैंकको चुक्ता पूँजी यो अवधिको एक आर्थिक वर्षमा ४ अर्ब १ करोड रुपैयाँबाट ७ अर्ब ३७ करोड रुपैयाँ पुगेको छ भने जगेडा कोषमा एक अर्ब ६७ करोड रुपैयाँ जम्मा भएको छ।
बैंकको पूँजी कोष अनुपात यो अवधिको एक आर्थिक वर्षमा १३.३५ प्रतिशतबाट बढेर १८.५२ प्रतिशत पुगेको छ। बैंकको खराब कर्जा ०.९६ प्रतिशत छ। बैंकको आधार दर ८.९४ प्रतिशतबाट बढेर १०.८६ प्रतिशत पुगेको छ। प्रतिशेयर आम्दानी ५रुपैयाँ ३४ पैसा रहेको छ।
