चोरीको आरोपमा १६ वर्षीय टेकबहादुर पक्राउ



हाम्रो इकोनोमि

सदरमुकाममा भएका विभिन्न चोरीका घटनामा संलग्न भएको आरोपमा प्रहरीले १६ वर्षीय टेकबहादुर किसानलाई पक्राउ गरेको छ ।

जैमिनी नगरपालिका–१ घर भई हाल बागलुङ नगरपालिका–२ मा डेरा गरी बस्ने किसानलाई चोरीका सामान र नगदसहित पक्राउ गरिएको हो । पछिल्लो एक महिनामा भएका छ वटा चोरीका घटनामा किसानको संलग्नता देखिएको भन्दै थप अनुसन्धान भइरहेको प्रहरीले जनाएको छ । गत मंसिर २० गते मध्यरातमा बानपा–२ स्थित धौलागिरि टेलिटक प्रालिको कार्यालयबाट रु ६१ हजार २४० चोरी भएको थियो । त्यसयता शृंखलाबद्धरुपमा चोरीका घटना भएपछि प्रहरीले सूक्ष्म अनुसन्धान गरिरहेको थियो ।

प्रहरीले किसानको कोठाबाट चोरी भएका नगद, गरगहना, विद्युत् र किराना पसलका सामान, रिचार्ज कार्ड र अन्य कागजात फेला परेको जनाएको छ । प्रहरी निरीक्षक धर्मबहादुर अधिकारीको टोलीले चोरीका घटनाको अनुसन्धान गर्दा किसान चोरीमा संलग्न भएको पत्ता लगाएको हो । आमा भविकलाका साथमा बस्दै आएका टेकबहादुरमाथि चोरी मुद्दामा थप अनुसन्धान चलिरहेको जिल्ला प्रहरी कार्यालयले जनाएको छ ।

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...