गाउँपालिका कार्यालय भवन निर्माणको लागि १ करोड ६१ लाखको जग्गा निःशुल्क



नुवाकोट । जग्गा र भवन अभावमा भाडाको घरमा सञ्चालन हुँदै आएको शिवपुरी गाउँपालिकाको कार्यालय भवन निर्माण गर्न जग्गादाताले रु एक करोड ६१ लाख बराबरको जग्गा निःशुल्क उपलब्ध गराएका छन् ।

शिवपुरी गाँउपालिका–६, समुन्द्रादेवीका समाजसेवी नरेश महत र दिनेश महतले वडा नंं ५, महाकालीको शेराबगरस्थित मध्यपहाडी लोकमार्गसँग जोडिएको स्थानमा दुई रोपनी तीन आना जग्गा गाँउपालिकालाई उपलब्ध गराएका छन् ।

उक्त स्थानको जग्गा प्रतिआनाको रु तीन लाखमा कारोबार हँुदै आएकाले उहाँहरुले दिएको जग्गाको मूल्य रु एक करोड पाँच लाख बराबरको रहेको गाउँपालिकाका कार्यकारी अधिकृत श्रीकृष्ण पौडेलले जानकारी दिनुभयो ।

नरेश र दिनेश महतले हजुरबुबा स्व महेन्द्रबहादुर महतको स्मृतिमा गाउँपालिकाको कार्यालय भवन निर्माण गर्न जग्गा उपलब्ध गराएको बताएका छन् । अहिले गाउँपालिकाको कार्यालय रहेको स्थानबाट १५० मिटरको दूरीमा पर्ने उक्त जग्गामा अब गाउँपालिकाले आर्थिक व्यवस्थापन गरी कार्यालय भवन निर्माण गर्ने योजना बनाएको गाउँपालिका अध्यक्ष रामकृष्ण थापाले जानकारी दिनुभयो ।

यस्तै, गाउँपालिकाको कार्यालय सञ्चालन गर्न वडा नं ५ महाकालीका गणेशप्रसाद पौडेलले सात आना, दलबहादुर कार्कीले पाँच आना, शिव पोखरेलले आठ आना र सीताराम आचार्यले आठ आना जग्गा निःशुल्क उपलब्ध गराउनुभएको छ ।

उहाँहरुले दिनुभएको जग्गा भिन्दाभिन्दै कित्तामा रहेका छन् । उक्त जग्गा रहेको स्थानमा प्रतिआना रु दुई लाखको दरमा कारोबार हँुदै आएकाले बजार मूल्य रु ५६ लाख बराबर हुने जिल्ला मालपोत कार्यालयले जनाएको छ ।

गाउँपालिकाका अध्यक्ष थापाका अनुसार आर्थिक स्रोत र जग्गा अभावमा भाडाको आवासबाट सञ्चालन हुँदै आएको गाउँपालिकाले कार्यालय भवन निर्माणको लागि आवश्यकभन्दा बढी जग्गा प्राप्त भएसँगै कृषि सामग्री प्रदर्शनी केन्द्र र गाउँपालिका मातहतमा रहने अन्य कार्यालय भवन स्थापना गर्ने योजना बनाइएको छ ।

जग्गाधनीबाट जग्गाको स्वामित्व हस्तान्तरणसम्बन्धी कागजात जिल्ला मालपोत कार्यालय र नापी कार्यालयबाट पूरा भइसकेकाले गाउँपालिकाको कार्यालयको नाममा जग्गा धनी प्रमाणपत्र ९लालपुर्जा० निर्माणको अन्तिम प्रक्रियामा रहेको छ ।

प्रतिक्रिया दिनुहोस
ओलीको नेतृत्वमा मुलुकले उन्नतिको बाटो समात्नेछ : देउवा

     नेपाली कांग्रेसका सभापति शेरबहादुर देउवाले एमाले अध्यक्ष केपी शर्मा ओली नेतृत्वको

कांग्रेस-एमालेबीचको ७ बुँदे सहमति प्रधानमन्त्री ओलीले सुनाए

     प्रधानमन्त्री केपी शर्मा ओलीले कांग्रेससँग भएको सात बुँदे सहमति बाचन गरेका

सहकारी ठगलाई कारबाही गर्छौँ : प्रधानमन्त्री ओली

    प्रधानमन्त्री केपी शर्मा ओलीले कुनै कालखण्डमा भएको भ्रष्टाचार र जोकोही भ्रष्टाचारी

बागमतीका मुख्यमन्त्री जम्कट्टेलले राजीनामा दिने

    नेकपा माओवादी केन्द्र बागमती प्रदेश संसदीय दलको सुझावपछि मुख्यमन्त्री शालिकराम जम्कट्टेलले