बेलायतका प्रधानमन्त्री मे बेल्जियम जादै
बेलायतका प्रधानमन्त्री टिरिजा मे शुक्रबार बेल्जियम जादै हुनुहुन्छ । बृटिश अधिकारीहरुले शुक्रबार सो जानकारी दिएका छन् ।
युरोपियन कमिसनका अध्यक्ष जिन क्लाउड जंकरसँग औपचारिक भेटवार्ता गर्नका लागि उहाँ बेल्जियमको राजधानी ब्रसेल्स पुग्न लाग्नुभएको अधिकारीहरुले जनाएका छन् ।
बेलायत युरोपेली युनियनबाट निस्किने बारेमा हाल बेलायतले युरोपका विभिन्न नेताहरुसँग परामर्श गरिरहेको छ ।
सोही विषयमा उक्त कमिसनका अध्यक्षसँग आवश्यक छलफल र परामर्शका लागि उहाँ त्यसतर्फ लाग्नुभएको बताइएको छ ।
प्रधानमन्त्री मेको कार्यालयले दिएको जानकारीअनुसार बेलायत युरोपेली युनियनबाट बाहिरिने विषयमा आवश्यक छलफलका लागि उहाँ ब्रसेल्स जान लाग्नुभएको हो ।
बेलायतले युरोपेली युनियनबाट बाहिरिने विषयमा यसअघि नै निर्णय गरीसकेको छ । त्यस बारेमा बेलायतले अब अन्तिम निर्णय गर्नमात्र बाँकी रहेको छ ।
यस विषयमा बेलायतले विश्वका विभिन्न देश र अधिकरीहरुसँग आवश्यक छलफल र परामर्शहरु जारी नै राखेको छ ।
