माओवादी उम्मेद्धारमाथीका आक्रमण सरकारकले गराएको प्रचण्डको दावी यस्ता चुनाव बिरोधी काम नर्गन कडा चेतावनी
माओवादी केन्द्रका अध्यक्ष प्रचण्डाले सरकार चुनाव रोक्न अनेक षडयन्त्र गरीरहेको आरोप लगाउनु भएको छ । वहाँले सरकारलाई यस्ता षडयन्त्र नर्गन कडा चेतावनी पनि दिएका छन ।
नेकपा माओवादी केन्द्रका अध्यक्ष पुष्पकमल दाहालले सरकारकै संलग्नतामा आफ्ना उम्मेदवार माथी आक्रमण भएको बताउनु भएको छ । उहाले पछिल्लो समय बढेको सुरक्षा चुनौतीमा सरकार नै प्रमुख दोषी भएको आरोप लगाउनु भएको हो ।
चितवनको शिवनगरमा सञ्चारकर्मीसंग कुरा गर्दै अध्यक्ष दाहालले नेत्र विक्रम चन्दको नेकपासंग मिलेर कांग्रेसकै निर्देशनमा माओवादी नेतामाथि आक्रमण भएको टिप्पणी गर्नुभयो । आक्रमण गर्ने विप्लवका कार्यकर्ता प्रहरीले प्रक्राउ गर्दा रिहा गर्न माग गर्दै सरकारकै राज्यमन्त्री एंव रोल्पा कांग्रेसका सभापति अमरसिंह पुनले विज्ञप्ती निकालेकाले यसको पुष्टि हुने बताउनु भयो ।
बाम गठबन्धनलाई अधिनायकवादको संज्ञा दिने तर आफैं त्रास फैलाउन खोजेको भन्दै उहाँले सरकारलाई आफ्नो रबैया तत्काल सुधार्न आग्रह गर्नुभएको छ । रोल्पामा माओवादी नेता वर्षमान पुनमाथि रोल्पामा शनिवार र आइतवार आक्रमण भएको थियो । फरक प्रसङ्गमा दाहालले कात्तिक ९ गते पार्टी एकता हुन्छ भन्ने हल्ला निराधार भएको प्रष्ट पार्नुभयो । अहिले चुनाव नै पहिलो प्राथमिकतामा रहेको भन्दै उहाँले चुनावपछि मात्रै नेकपा एमाले र माओवादी केन्द्रबीच पार्टी एकता हुने जानकारी दिनुभयो ।
