जेष्ठ नागरिकको आशीर्वाद थाप्दै निर्मल
काठमाडौं क्षेत्र नम्बर ४ का बाम गठबन्धन उम्मेदवार निर्मल कुइकेल लाई जेष्ठ नागरिकले बिजयको लागि शुभकामना प्रदान गरेका छन् ।
आइतबार चाबहिलमा आयोजित एक कार्यक्रममा उपस्थित जेष्ठ नागरिकहरुले कुइकेललाइ आशीर्वाद प्रदान गरेका हुन् । एमाले बृद्ध बृद्धाको सहज जिवनयापनको सहयोगी भएकाले सुर्यलाइ नै अफुहरुले मतदान गर्ने उनिहरुले वचन दिए ।
सो अवसरमा नेता कुइकेलले एमाले जेष्ठ नागरिकहरुको सम्मान गर्ने दल भएकाले निर्वाचन अभियानमा होमिनको लागि आफू आशिर्वाद थाप्न आएको बताएका थिए । राष्ट्रको अभिभावकको रूपमा रहेका जेष्ठ नागरिकको हित, सामाजिक सुरक्षा र सहज दैनिकिका लागि आफू निरन्तर रूपमा लागिपर्ने उनले बताए ।
एमालेका मृदुभासी नेता कुइकेल काठमाडौं क्षेत्र नम्बर ४ को प्रदेस सभा १ का उम्मेदवार हुन् । एमालेको काठमाडौं जिल्ला अध्यक्ष रहिसकेका उनको पक्षमा यश क्षेत्रमा जनमत बलियो बन्दै गएको आम चर्चा छ ।
