गैससको कार्यक्रम सञ्चालनमा रोक



हाम्रो इकोनोमि

आगामी मंसिर १० गते प्रथम चरणअन्तर्गत हुने प्रतिनिधिसभा र प्रदेशसभा निर्वाचनमा पर्नसक्ने प्रभावलाई मध्यनजर राखी जिल्लामा गैरसरकारी संस्थाका कामकाजमा शनिबारदेखि रोक लगाएको छ ।

प्रमुख जिल्ला अधिकारी हीरादेवी पौडेलका अनुसार निर्वाचन अवधिमा गैरसरकारी संस्थाले गरेका कार्यक्रमले स्वच्छ र निष्पक्ष निर्वाचन सम्पन्न गराउन असर पर्नसक्ने भएकाले निर्वाचन अवधिभरलाई कुनै काम नगर्न नगराउन निर्देशन दिइएको छ ।

भूकम्पपछि राहत सहयोगमा कार्यरत दर्जनौँ गैसस कार्यरत रहेका छन् । निर्वाचन आचारसंहिता पूर्णरुपले पालना गराउने कार्य स्वागतयोग्य भएको मतदाताले बताएका छन् ।

संस्थाले आफ्नो कार्य नीतिअनुसार काम गरे पनि कुनै दलले हामीले पठाएका हौँ भनी मतदातासामु बाँड्न सक्ने आश्वासन बेलैमा रोक्न उक्त कदम चालिएको बताइएको छ ।

तीनसय ५६ कर्मचारी खटाइने

मंसिर १० गते हुने प्रतिनिधिसभा र प्रदेशसभा निर्वाचनका लागि ४५ अधिकृत, ४५ नायबसुब्बा र अन्य दर्जाका २९६ गरी कूल ३५६ कर्मचारी खटाउने तयारी पूरा भएको छ ।

रसुवामा प्रतिनिधिसभातर्फ एउटा निर्वाचन क्षेत्र र प्रदेशसभातर्फ दुई निर्वाचन क्षेत्र रहेको छ । जिल्लामा कूल ३२ हजार ३२२ मतदाता रहेका सहायक निर्वाचन अधिकृत ढाकाराम पौडेलले जानकारी दिनुभयो ।

त्यसैगरी मतदानस्थल र मतदाता सुरक्षाका लागि आवश्यक सुरक्षा जनशक्ति तयार गरिएको प्रमुख जिल्ला अधिकारी हीरादेवि पौडेलले जानकारी दिनुभयो ।

 

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...