पर्यटकको संख्यामा वृद्धि



पश्चिमी सीमा नाका गड्डाचौकी हुँदै भित्रिने विदेशी पर्यटकको संख्यामा वृद्धि भएको छ ।

वनवसा पुल खुल्ने समयावधि बढेपछि तेस्रो मुलुकका पर्यटकको आगमनमा वृद्धि भएको हो ।

अध्यागमन कार्यालय कञ्चनपुरको तथ्यांकअनुसार चालू आवको सेप्टेम्बर महिनासम्म सीमा नाका भएर एक हजार ९६८ विदेशी पर्यटक भित्रिएका छन् । सोही नाका भएर एक हजार ३३८ पर्यटक बाहिरिएका छन् ।

गत वर्षको यसै अवधिमा एक हजार ३०० पर्यटक भित्रिएका थिए । सन् २०१६ को डिसेम्बरसम्म दुई हजार ५८२ पर्यटक भित्रिएका थिए भने एक हजार ५५९ पर्यटक बाहिरिएका थिए । अमेरिका, अष्ट्रेलिया, जापान, स्पेन, इजरायल, चीनलगायत देशका पर्यटक भारतका विभिन्न पर्यटकीय क्षेत्रको अवलोकनपछि यहाँ आइपुग्ने गरेको अध्यागमन कार्यालयका सूचना अधिकारी माधवप्रसाद जोशीले बताउनुभयो ।

“पर्यटकको संख्यामा वृद्धि हुँदै गएको छ”, उहाँले भन्नुभयो । नेपालका विभिन्न हिमालको सौन्दर्यता नियाल्न, पदयात्रामा निस्कन, परम्परागत कला र संस्कृतिको अवलोकन पर्यटक यहाँ आउने गरेका छन् । सुदूरपश्चिम क्षेत्रमा पर्यटकीय सम्भावना भएका धेरै पर्यटकीयस्थल रहेका छन् ।

 

प्रतिक्रिया दिनुहोस
ग्लोबल आइएमई बैंक र आइएमई ट्राभल्सबिच सहकार्य

      ग्लोबल आइएमई बैंक लिमिटेडले आन्तरिक तथा बाह्य पर्यटन प्रवद्र्धन गर्ने

नागढुंगा–सिस्नेखोला सुरुङमार्गको ‘ब्रेक थ्रु’

    नागढुंगा–सिस्ने खोला मुख्य सुरुङमार्ग सोमबार वारपार छेडिएको छ । मुख्य सुरुङ

वायु सेवा निगमका पाइलट र उच्च पदस्थहरुविरुद्ध भ्रष्टाचार मुद्दा

    वाइडबडी खरिद प्रकरणमा भएको भष्ट्रचारमा प्रतिवादी बनाइएका ३२ जनामध्ये २ जना

श्री एयरलाइन्सको विमानमा समस्या

    काठमाडौंबाट धनगढी गएको श्री एयरलाइन्सको जहाजमा प्राविधिक समस्या देखिएको छ ।