शुक्लाफाँटा नगरपालिकामा हात्ती आतंक



हाम्रो इकोनोमि

शुक्लाफाँटा नगरपालिका क्षेत्रमा जंगली हात्तीको झुण्डले धानबालीमा ब्यापक नोक्सानी गर्न थालेपछि स्थानीय बासिन्दा रातभर जाग्राम बस्न थालेका छन् ।

शुक्लाफाँटा राष्ट्रिय निकुञ्जबाट साँझ नपर्दै बस्तीमा छिर्ने हात्तीको झुण्डले नगरपालिकाको वडा नं ५ र ६ का किसानको धानबालीमा ब्यापक नोक्सानी गरेको छ ।

हात्ती धपाउनका लागि जनप्रतिनिधिसहित स्थानीय बासिन्दा रातभर खेतमा पहरा दिने गरेका छन् । एक सातादेखि निरन्तर रुपमा खेतबारीमा छिर्दै आएको हात्तीको झुण्डले पाकेर काट्नका लागि तयार भएको तीन बिगाहा बढी जग्गाको धानबालीमा नोक्सानी गरेको छ ।

हात्तीको झुण्डले धान खानुका साथै खुट्टाले कुल्चेर बढी नोक्सानी पु¥याउन थालेको नगरपालिका–६ का वडा अध्यक्ष जगता रानाले बताउनुभयो । हात्तीको झुण्डले वडा नं–५ मा दुई दर्जन बढी स्थानीयवासीको दुई बिगा दश कठ्ठा बढी जग्गा र वडा नं–५ मा आधा दर्जन बासिन्दाको आधा बिगा जग्गामा लगाएको धानबालीमा नोक्सानी पु¥याएको छ ।

हात्ती आएपछि घर नै छाडेर ज्यान जोगाउन सुरक्षित स्थानमा भाग्नुपर्ने अवस्था सिर्जना भएको खजुवाका धनमति खत्रीले बताउनुभयो । खत्रीको घरको पर्खाल गत साता हात्तीको झुण्डले भत्काएको थियो ।

जंगली हात्तीको झुण्ड भगाउनका लागि निकुञ्जका कर्मचारीले कुनै सहयोग नगरेको र धानबालीमा भएको क्षतिपूर्तिका लागि माग गरिए पनि नपाइएको स्थानीय बासिन्दाको भनाइ छ । रातिका बेला स्थानीयवासीका खेतमा छिर्ने हात्तीको झुण्ड बिहान हुनै लाग्दा निकुञ्जमा फर्कने गरेको छ ।

 

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...