अभिभावकको भरमा शिक्षकको तलब



पाल्पाको तानसेन नगरपालिका–७ मदनपोखरास्थित तिन्टीआप आधारभूत विद्यालय सञ्चालनका लागि शिक्षकको तलबका लागि पैसा बुझाउन अभिभावक बाध्य छन् ।

कक्षा ५ सम्म पठनपाठन हुने विद्यालयमा ८४ जना बालबालिकाले पढ्छन् । नर्सरीदेखि कक्षा ५ सम्म अंगे्रजीमाध्यममा पठनपाठन हुँदै आएपनि तीनजनाको दरबन्दी, दुईजना नीजि स्रोत, एकजना बालकक्षा सहयोगी र एकजना विद्यालय सहयोगी रहेको विद्यालयका प्रअ फणिन्द्र ढुंगानाले बताउनुभयो ।

शिक्षकको दरबन्दी काटेपछि निजी शिक्षक राख्नुपर्ने बाध्यताले तलब खुवाउन समस्या बढेपछि विद्यालयको कोष र अभिभावकको सहयोगले विद्यालय अघि बढेको प्रअ ढुंगानाले बताउनुभयो ।

यता, विद्यालयमा नर्सरीमा २०, केजीमा १० जना, कक्षा १ मा १० जना, २ मा आठजना, ३ मा १२ जना, ४ मा १३ जना र ५ मा १२ जना विद्यार्थीका अभिभावकले शिक्षकका लागि वार्षिक विद्यालय सहयोग गर्दै आएका छन् ।

निजी स्रोतबाट पारिश्रमिक लिने जुनु तिवारी र सुनिता पाण्डेयले अरु शिक्षक शिक्षिकासरह नै विद्यालयमा पढाउनुपर्छ, तर उनीहरुको तलब विद्यालयले निर्धारण गरेको रु चारहजार ५०० रहेको छ । शिक्षिका सुनिता पाण्डेयले दुखेसो पोख्नुभयो, “तलब निकै कम भयो ।”

विद्यालयले कक्षा १ मा पढाउने अभिभावकले रु ८००, कक्षा २ का अभिभावकले रु ९००, कक्षा ३ का अभिभावकले रु एकहजार, कक्षा ४ काले रु एक हजार १०० र पाँचकाले रु एक हजार २०० वार्षिक शिक्षकको तलबका लागि भनेर विद्यालयलाई बुझाउँछन् । कक्षा धेरै, शिक्षक कम भएपछि निजी स्रोतबाट शिक्षक राख्ने चलन सामुदायिक विद्यालयमा अलि बढी भएपनि आम्दानीका स्रोत भने निकै कमजोर रहेकाले शिक्षक उधारोमा पढाउन बाध्य छन् ।

स्थानीय तहको निर्वाचन सम्पन्न भएकाले अभिभावकले केही राहत होला भन्ने सोचेपनि विद्यालयमा वार्षिकरुपमा पैसा उठाएर विद्यालय चलाउन समस्या रहेकाले यसको समाधानमा चासो देखाउनुपर्ने स्थानीय बासिन्दा बताउँछन् ।

 

प्रतिक्रिया दिनुहोस
आजदेखि देशभर भर्ना अभियान सुरु

    आजदेखि विद्यालयहरुमा नयाँ शैक्षिक सत्र शुरु भएको छ । नयाँ शैक्षिक

ग्लोबल आइएमई बैंकद्धारा सातवटै प्रदेशमा विद्यार्थी लक्षित वित्तीय साक्षरता कार्यक्रम आयोजना

    ग्लोबल आइएमई बैंक लिमिटेडले ग्लोबल मनि विक २०२४ को अवसरमा सप्ताहव्यापी

हरिप्रसाद लम्साल सचिवमा बढुवा

  प्रसाद लम्साल बढुवा भएका छन् । बिहीबार बसेको मन्त्रिपरिषद् बैठकले शिक्षाका  ‘क्याडर’का

सादा पोशाकमा प्रहरी परिचालन नगर्न गृहमन्त्रीको निर्देशन

जिम्मेवार क्रियाकलापमा संलग्न भएको गुनासो आएपछि उपप्रधान एवं गृहमन्त्री रवि लामिछानेले सादा पोशाकमा