उत्तर कोरियामाथी अमेरीकी बमवर्षक र युद्व विमान विश्वयुद्ध हुने खतरा
उत्तर कोरियाको आकासमा अमेरिकी बमवर्षक विमान पुगेपछि त्यसको चर्चा विश्वभरि चुलिएको छ । उत्तर कोरियाको पूर्वी तटको अन्तर्राष्ट्रिय हवाई आकासमाथि अमेरिकी जहाजहरु पुगेको पहिलो पटक हो ।
अमेरिकी राष्ट्रपति डोनाल्ड ट्रंम्पले उत्तर कोरियालाई ध्वस्त पार्ने चेतावनी दिएको एक साता नबित्दै युद्व बिमान शनिबार उत्तरको आकाश नजिक उडेका छन् ।
यता अमेरिकी सैनिक अधिकारीहरुले भने बमबर्षक तथा युद्व बिमानले हाललाई उत्तर कोरियाको पूर्वी सीमा नजिक शक्ति प्रदर्शन मात्र गरिरहेको प्रतिक्रिया दिएका छन् ।
प्योङयाङको आणविक कार्यक्रमका कारण हालैका दिनमा तनाव थप चुलिएको छ । संयुक्त राष्ट्रसंघमा उत्तर कोरियाका विदेश मन्त्रीले अमेरिकी राष्ट्रपति डोनाल्ड ट्रम्पले आत्मघाति लक्ष्य लिएको बताएका थिए ।
राष्ट्रपति ट्रम्पले गत मंगलबार राष्ट्र संघलाई सम्बोधन गर्दै उत्तर कोरियाली नेता किम जोन उनलाई रकेट आत्मघाती लक्ष्य तिर उन्मुख भएको रकेट म्यानको संज्ञा दिएका थिए ।
उत्तर कोरियाली विदेश मन्त्रीको भाषण आउनु केहीअघि पेन्टागनले शक्ति प्रदर्शन गर्ने घोषणा गरेको थियो । पेन्टागनले जारी गरेको विज्ञप्तिमा भनिएको छ( यो शक्ति प्रदर्शन कुनै पनि खतरा परास्त गर्न राष्ट्रपति ट्रम्पसँग कैयौं सैन्य उपाय छन् भन्ने देखाउने लक्ष्य हो । सैन्य शक्ति पूर्ण क्षमतामा प्रयोग गरेर हाम्रो र हाम्रा सहयोगीहरुको भूमि सुरक्षा गर्न हामी तम्तयार छौं।’
बमवर्षक र युद्व विमान अमेरिकी क्षेत्र गुआम र ओकिनावा जापानबाट उडेका थिए । कोरियाली प्रायद्विपमा तनाब चुलिदै गइरहेको अवस्थामा अमेरिकाको यो कदमले थप भिडन्त हुनसक्ने अनुमान गरिएको छ ।साझा सबालमा समाचार छ । साथै कोरियामा खतराका संकेत देखिएको छ ।
