आयो मतगणनाको पछिल्लो रिपोर्ट,को कति अगाडी ?
प्रदेश नम्बर २ म सोमबार मतदान भएका १ सय ३६ स्थानीय तह मध्ये ७ठाउँमा मतगणना सुरु भएको निर्वाचन आयोगले जनाएको छ । अन्य स्थानीय तहमा छलफल भैरहेको छ ।
मतगणना सुरु भएका धेरैजसो ठाउँमा नेपाली कांग्रेस, एमाले, माओवादी र संघीय समाजवादी फोरमका उम्मेदवार अगाडि देखिएकाछन् । राजपाको मत निकै कमजोर देखिएको छ ।
केही स्थानीय तहका वडामा भने नजिता पनि आइसकेको छ । पछिल्लो परिणाम अनुसार माओवादीले दुई वटा बडामा जित हात पारेको छ ।
यस्तै माओवादी अध्यक्ष पुष्पकमल दाहाल प्रचण्डको क्षेत्र सिरहाको कर्जन्हा नगरपालिका वडा नम्बर १ को वडाध्यक्षमा माओवादीका मोहन केसी विजयी भए। मेयर र उपमेयरमा पनि माओवादीकै उम्मेदवार अघि छन् ।
यस्तै सर्लाहीको बरहथवा नगरपालिकाको वडा नम्बर १८ को वडाध्यक्षमा संघीय समाजवादी फोरमका मुलेश्वर राय प्यानलसहित विजयी हुनुभएको हो । यस्तै,२० स्थानीय तहमध्ये १२ वटामा मतगणना भइरहेको छ । लालबन्दी नगरपालिकाको मतगणना अझै अन्योल छ ।
सिरहाका १७ मध्ये १५ वटा तहमा मतगणना सुरु भएको छ । कांग्रेस , माओवादी केन्द्र र राजपाविच प्रतिस्पर्धा छ ।
रौतहटका १८ तहमध्ये १२ वटामा मतगणना भैरहेको छ ।
यस्तै महोत्तरीका १५ मध्ये ९ तहमा मतगणना भैरहेको छ । महोत्तरीको बर्दिवासमा कांग्रेस र गौशला नगरपालिकामा नेकपा माओवादी केन्द्रका उम्मेदवारलेले अग्रता लिइरहेका छन् । बाराका १६ स्थानीय तह मध्ये ८ तहमा गणना भइरहेको छ । गणना सुरु गर्न बाँकी रहेका तहमा केहीबेरमा गणना सुरु गर्ने तयारी भएको छ । बारागढी गाउँपालिका, सिम्रनगौढ नगरपाकिलाका र फेटा गाउँपालिकामा कांग्रेसको अघि छ ।
यस्तै देउताल नगरपालिकामा माओवादी केन्द्र र आदर्श कोतवाल गाउँपालिकामा एमालेको अग्रता छ । पचरौता नगरपालिकामा एमाले र राजापा बराबर छन् । जीतपुर सिमरा उपमहानगरपालिका र महागढीमाई नगरपालिकामा पनि गणना भइरहेको छ । अहिलेसम्मको मतगणना अनुसार ती तहमा नेपाली कांग्रेस, एमाले र माओवादी केन्द्र एक एक तहमा र एक तहमा एमाले र राजपाको कडा प्रतिस्पर्धा देखिएको छ ।
रौतहटमा काँग्रेस र माओवादीको विजयी सुरुवात
स्थानीय तहको तेस्रो चरणको निर्वाचनमा नेकपा माओवादी केन्द्रले आफ्नो विजयी सुरुवात गरेको छ। रौतहटको ईसनाथ नगरपालिका वडा नं। १ मा नेपाली काँग्रेस र फतुहा विजयपुर नगरपालिका वडा नं। १ माओवादी केन्द्रले आफनो विजय सुरुवात गरेको हो ।
ईसनाथ नगरपालिका वडा नं। १ का नेपाली काँग्रेसका उम्मेदवार विगुसाहले ५४५ मत ल्याउदैं आफना प्रतिद्धन्दी संघिय समाजवादी फोरमका शिवजी यादवलाई पराजित गरी विजयी भएका हुन् । उनका प्रतिद्धन्दी यादवले ३ सय ५५ मत ल्याएका छन् ।
त्यस्तै प्राप्त जानकारी अनुसार रौतहटको फतुहा विजयपुर नगरपालिका वडा नं।१का उम्मेदवार संजय साहले विजयी भएका छन् ।
भँगाहा र रामगोपालपुर नगरपालिकामा काँग्रेसको अग्रता, प्रतिस्पर्धामा माओवादी र एमाले
महोत्तरी जिल्लाको दुई नगरपालिकामा काँग्रेसले आग्रता हाँसिल गरेको छ । जिल्लाको भँगाहा र रामगोपालपुर नगरपालिकामा काँग्रेसका उम्मेदवारले अग्रता हाँसिल गरेका हुन् ।
निर्वाचन अधिकारी दिनानाथ अधिकारीले दिएको जानकारी अनुसार महोत्तरीको रामगोपालपुर नगरपालिकामा नेपाली काँग्रेसका उम्मेदवारले अग्रता हाँसिल गरेका छन् । वडा नं ७ को कूल २ सय ७१ मत गन्दा भयो २ सय ५८मत सदर भएको थियो । जसमा नेपाली काँग्रेसको प्रमुखमा ६३, उपप्रमुखमा ४० र वडाध्यक्ष ३३ मत आएको छ ।
त्यस्तै, एमालेका उम्मेदवारहरुमा प्रमुखका उम्मेदवारको ५६ उपप्रमुखको ६२ र वडाध्यक्षको ६५ मत आएको छ । उता, हसिँया मओवादीका उम्मेदवारहरुको हँसिया हथौडामा प्रमुखले ५१ उपप्रमुख ५७ र वडाध्यक्षले ६५ मत ल्याएका छन् ।
त्यस्तै, संघीय समाजवादी फोरमको प्रमुखमा ३१, उपप्रमुखमा ३८ र वडाध्यक्षमा ३७ मत आएको छ भने राष्ट्रिय जनता पार्टीको प्रमुखमा ४०, उपप्रमुखमा ४१ र वडाध्यक्षमा ४३ मत आएको छ ।
त्यस्तैगरी जिल्लाको भँगाहा नगरपालिकामा पनि काँग्रेसले अग्रता कायम गरेको छ । निर्वाचन अधिकारी तिलक बहादुर कार्कीले दिएको जानकारी अनुसार पहिलो सय मत गन्दा
प्रमुखमा काँग्रेसको १ सय १२, माओवादीको ८५, राजपाको ३९, फोरमको ४७ र एमालेको १० मत आएको छ । त्यस्तै, उपप्रमुखमा काँग्रेस ९८, माओवादी १ सय १४, राजपा ४६, फोरमले ५३ र एमालेले १२ मत ल्याएका छन् ।
