मधेशमै लखेटियो राजपा,भोट नहाल्न उर्दी जारी गर्दै राजपालाई सोत्तर पार्ने यस्तो छ चलखेल

शुक्रबार धनुषाको जनकपुरमा नेपाली कांग्रेसका कार्यकर्ताले राष्ट्रिय जनता पार्टी नेपालको जनकपुर उपमहानगरस्थित ४ नम्बर वडाको सम्पर्क कार्यालयमा तोडफोड गरे । कांग्रेसको हमलाबाट राजपाका तीन कार्यकता घाइते भए, सम्पर्क कार्यालयका कुर्सी टेबलमा क्षति भयो ।

एक समय यस्तो थियो की कांग्रेस, एमाले र माओवादीमाथि राजपाले आक्रमण गर्थे । त्यो समय थियो मधेस आन्दोलनको । मधेसवादी दलका नेता कार्यकर्ताले प्रमुख दललाई निशाना बनाउथे । तर, शुक्रबार उनीहरु आफै निशानामा परे । यसले के देखाउँछ भने राजपा देश विखण्डन गर्ने राजनीतिलाई जनताले बुझिसकेका छन् र अब प्रतिकारमा समेत उत्रिन थालेका छन् ।

संविधान घोषणा भएसँगै आन्दोलनका नाममा देशलाई बन्धक बनाउने काम राजपाले गर्यो । एक मधेस एक प्रदेशको नारा दिएर विखण्डनको राजनीति पनि यसैले गर्यो । संविधान संशोधनको रटान लगाएर देशलाई विकास हुन नदिने काम पनि राजपाबाटै भयो । यस्ता कयन क्रियाकपाल राजपाबाट भएका छन् जसले देशलाई ठूलो नोक्सानी पुगेको छ । त्यसमा पनि अघोषित नाकाबन्दी यिनीहरुकै अगुवाईमा भएको थियो । विदेशी शक्तिको वफादारका रुपमा प्रस्तुत हुने पनि यिनै हुन् । मधेसीको नाममा राजनीति गरेर काठमाडौंमा महल ठड्याउने र मधेसी जनताका लागि सिन्को नभाच्ने पनि यिनै हुन् । र, अहिले पनि विदेशी दूतावासमा गएर उसले अहराएको काम गर्ने क्रम राजपा चलिनैरहेको छ ।

त्यसकारण राजपा, मधेसघाति र राष्ट्रघाति पार्टी हो भन्दा फरक नपर्ला । अब राजपाबाट मधेसी जनताले अधिकार र विकास आश नगरे हुन्छ । आन्दोलनका नाममा देशलाई बन्धक बनाउने, मधेसमा निषेधको राजनीति गर्ने, देश विखण्डनको राजनीति गर्ने राजपालाई अब मधेसी जनताले निषेध गर्नुपर्छ । यसका लागि असोज २ गतेको चुनाव सहि मौका हुनसक्छ ।