मधेशीको माग पूरा गरिने



हाम्रो इकोनोमि

नेपाली काँग्रेसका महामन्त्री डा शशांक कोइरालाले काँग्रेसले मधेशीको माग पूरा गराएर छाड्ने बताउनुभएको छ ।

गौशाला नगर कमिटीले आयोजना गरेको चुनावी सभालाई सम्बोधन गर्दै डा कोइरालाले काँग्रेसले विगतमा पनि मधेशको हकहितका लागि सोच्दै आएको र आगामी दिनमा पनि संविधान संशोधनमार्फत मधेशीको अधिकार दिलाइने प्रतिबद्धता जनाउनुभयो ।

कार्यक्रममा काँग्रेसका केन्द्रीय सदस्य कल्याण गुरुङले किसान, विद्यार्थी र कर्मचारीको हकहितका साथै यस क्षेत्रमा शिक्षा, स्वास्थ्य, सिँचाइलगायत विकास निर्माणमा काँग्रेस अडिग रहने छ भन्नुभयो । केन्द्रीय सदस्य राजन पन्तले मुलुकलाई नयाँ आर्थिक क्षेत्रका रुपमा रुपान्तरित गर्नका लागि काँग्रेस नै आवश्यक रहेको धारणा राख्नुभयो ।

क्षेत्र नं ६ का सांसद सीताराम भण्डारीले काँँग्रेसको पहलमै रुष्ट मधेशी दललाई निर्वाचनमा ल्याउन सफल भएको जिकिर गर्नुभयो । पूर्वसांसद वसन्त गुरुङले काँग्रेसको जीतबाट जनताका घरघरमा विकास आउने बताउनुभयो । गौशाला नगरपालिकाका प्रमुखका उम्मेदवार मनु अधिकारीले इमान्दार भएर काम गर्ने प्रतिबद्धता जनाउनुभयो ।

 

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...