चुनाबका लागी पाँच दिन सार्वजनिक विदा दिने सरकारको निर्णय



हाम्रो इकोनोमि

आगामी असोज २ गते तराई मधेशका आठ जिल्लामा हुने स्थानीय तहको निर्वाचनका लागि सरकारले पाँच दिन सार्वजनिक विदा दिने निर्णय गरेको छ । मन्त्रिपरिषदको सोमबार सिंहदरवारमा बसेको बैठकले तेस्रो चरणको निर्वाचनका लागि पाँच दिन विदा दिने निर्णय गरेको हो ।भाद्र ३० गतेदेखि असोज ३ गते ५ दिन सार्वजनिक विदा दिने निर्णय लिइएको सरकारका प्रवक्ता एवम् सूचना तथा संचारमन्त्री मोहनबहादुर बस्नेतले जानकारी दिए।

बैठकले प्रधानमन्त्री शेरबहादुर देउवाको आर्थिक सल्लाहकारमा पूर्व परराष्ट्रसचिव ज्ञानचन्द्र आचार्यलाई नियुक्त गर्ने निर्णय गरेको छ । मन्त्रिपरिषदले पूर्व परराष्ट्रसचिव तथा संयुक्त राष्ट्रसंघका लागि नेपाली प्रतिनिधि आचार्यलाई आर्थिक सल्लाहकारमा नियुक्त गर्ने निर्णय गरेको हो ।

बैठकले भुकम्पपछिको पुननिर्माणका लागि बिश्ंव बैंकले संयुक्त दाता कोषमा उपलब्ध गराउने एक अर्व पाँच करोड अनुदान स्वीकार गर्ने निर्णय पनि मन्त्रिपरिषदले गरेको छ ।
बैठकले राष्ट्रपति तथा उपराष्ट्रपतिको निर्वाचन व्यवस्था गर्न बनेको बिधेयकलाई व्यवस्थापिका संसदमा पेश गर्ने निर्णय गरेको छ ।
बिदेशमा रहेका नेपाली नागरिकता लिइ नसकेका सन्ततीका लागि बढीमा चार बर्षका लागि राहदानी जारी गर्ने निर्णय पनि बैठकले गरेको सूचना तथा सञ्चारमन्त्री मोहनबहादुर बस्नेतले जानकारी दिए ।
मन्त्री बस्नेतका अनुसार अधिकार सम्पन्न बागमती सभ्यता एकीकृत विकास समितिको अध्यक्षमा नरेन्द्रराज बस्नेतलाई नियुक्त गर्ने निर्णय गरेको छ । सहरी विकास मन्त्रालयको सिफारिसमा उनलाई अध्यक्षमा नियुक्त गर्ने निर्णय गरिएको हो ।

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...