छुरा प्रहार गरी रकम लुट्ने पक्राउ



हाम्रो इकोनोमि

गत साउनको पहिलो हप्ता दोलखा सदरमुकाम चरिकोटका एक व्यापारीलाई छुरा प्रहार गरी रकम लुट्ने लुटेरा पक्राउ परेका छन् ।

पक्राउ पर्नेमा दोलखा जिल्ला भीमेश्वर नगरपालिका वडा नं ३ का २० वर्षीय अरुण ठकुरी रहेका छन् । ठकुरीलाई दोलखा प्रहरीले विशेष सुराकीका आधारमा पक्राउ गरी आज सार्वजनिक गरेको हो ।

कालिञ्चोक गाउँपालिका वडा नं ८ स्थायी घर भएका व्यवसायी राजेन्द्र पौडेललाई छुरा प्रहार गरी रु चार लाख २५ हजार लुटेको अभियोगमा ठकुरीलाई पक्राउ गरिएको हो । प्रहरीले ठकुरीसहित तीन जनालाई पक्राउ गरे पनि बाँकी दुई जनाको नाम सार्वजनिक गरेको छैन । नियन्त्रणमा रहेका ठकुरी भने लुटपाट घटनाको मुख्य नाइके भएको दोलखा प्रहरीले जनाएको छ ।

गत साउन ८ गते चरिकोटस्थित होटल रोशीमा खाजा खाइरहेका व्यवसायी पौडेललाई छ÷सात जनाको समूहले छुरा प्रहार गरी नगद लुटेका थिए । प्रहरीले यसअघि सोही घटनामा चरिकोटकै विक्रम नेपालीलाई पक्राउ गरेको थियो ।

 

प्रतिक्रिया दिनुहोस
नबिल बैंकको आयकर योगदान ३१ अर्ब ९३ करोड

     नबिल बैंकले स्थापना भएदेखि आर्थिक वर्ष २०८२/८३ सम्म सरकारलाई ३१ अर्ब...

आधिकारिक कांग्रेस हामी हौँ : विमलेन्द्र निधी

    नेपाली कांग्रेसका इतर पक्षका नेता विमलेन्द्र निधीले पार्टीको १५औँ महाधिवेशनको तयारी...

स्थानीय चुनाव वैशाखमा, प्रदेशको मंसिरमा गर्ने आयोगको प्रस्ताव

   निर्वाचन आयोगले स्थानीय तहको निर्वाचन वैशाखमा र प्रदेशको निर्वाचन आगामी मंसिरमा गर्ने...

तोलामा १२ हजार दुई सयले घट्यो सुनको भाउ

    स्थानीय बजारमा आज सुनचाँदीको मूल्य घटेको छ । आज सुन प्रतितोला...