कमल थापाले पशुपतीलाई लगाईदिए चुकुल,यस कारण राणाका मन्त्रीले सपथ खान पाएनन्

कमल थापालाई देखाईदिन पार्टी फुटाएका पशुपती समशेर राणाले शिफारिश गरेका साम्सदले आज विस्तार हुने भनिएको क्याबिनेटमा सहभागी हुन पाएनन । पशुपति शमशेर जबरा नेतृत्वको राप्रपा (प्रजातान्त्रिक) ले सरकारमा सहभागी हुने मन्त्रीहरुको नाम टुँगो लगाएको छ । तर सत्तारुढ दल नेकपा माओवादी केन्द्रका अध्यक्ष पुष्पकमल दाहाल प्रचण्डका कारण आज सरकारमा सहभागी हुने राप्रपा प्रजातान्त्रिकको योजनामा ब्रेक लागेको छ ।

राप्रपा प्रजातान्त्रिक आज नै सरकारमा सहभागी हुने योजना थियो । राप्रपा प्रजातान्त्रिकका एक नेताका अनुसार प्रधानमन्त्री शेरबहादुर देउवा नेतृत्वको सरकारमा सहभागी हुने नेताको सूची तयार गरिसकेको थियो ।
तर, सत्तारुढ दल माओवादी केन्द्रका अध्यक्ष प्रचण्डसँग छलफल नगरी आफूलेमात्रै एकल निर्णय लिन नसक्ने जवाफ प्रधानमन्त्री देउवाले दिएपछि अध्यक्ष राणा हिस्स बनेका छन् ।

स्रोतका अनुसार प्रचण्ड यही भदौ १९ गतेमात्रै काठमाडौं फर्किने कार्यक्रम रहेको छ । प्रचण्ड अहिले चुनावी दौडाहाको लागि मधेशमा छन् ।तर कमल थापाले प्रचण्डको कान फुके पछी त्यो रोकिएको श्रोतको भनाइ छ।
हुन त सरकारमा सहभागी हुनेबारे अध्यक्ष राणाले प्रधानमन्त्री देउवा र सत्ता साझेदार दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’सँग छुट्टाछुट्टै छलफल गरीसकेका थिए । तर कति मन्त्रालय दिने भन्नेबारे अहिले नै दुई नेताहरुवीच कुनै समझदारी भएको छैन ।राप्रपा(प्रजातान्त्रिक)बाट ४ मन्त्री र २ राज्यमन्त्री सरकारमा सहभागी हुनेछन्। राप्रपा (प्रजातान्त्रिक)ले सुनिलबहादुर थापा, बिक्रम पाण्डे, दीपक बोहोरा, रामकुमार सुब्बा र रेशम लामा मध्ये एकलाई सरकारमा पठाउने भएको हो । तर अब रात रहे अग्राख पलाए झैँ हुने जानकारको टिप्पणी छ।

 

प्रकाशित मिति : १६ भाद्र २०७४, शुक्रबार  १० : ०९  बजे