देउवालाई जुनसुकै बेला पछार्छु भन्दै प्रचण्डले भने ‘प्रधानमन्त्रीको चाबी मसँग छ’
वर्तमान सरकारको नेतृत्व नेपाली कांग्रेसका सभापति शेरबहादुर देउवाले गरिरहेका छन् । नेकपा माओवादी केन्द्रको मुख्य साझेदारमा देउवाको नेतृत्वमा सरकार गठन गरिएको हो । कतिपयले कांग्रेस नेतृत्वको वर्तमान सरकार माओवादीको प्रभावमा चलेको आरोप पनि लगाउने गरेका छन् । यस आरोपलाई पुष्टि गरेका छन्, माओवादी केन्द्रका अध्यक्ष पुष्पकमल दाहाल प्रचण्डले ।
चुनावी कार्यक्रममा सहभागी हुन् मध्य तराईमा रहेका प्रचण्डले ‘प्रधानमन्त्रीको चाबी’ आफूसँग रहेको बताएर देउवा सरकार माओवादीको प्रभावमा चलेको पुष्टि गरेका हुन् । बिहीबार रौतहट उद्योग वाणिज्य संघले आयोजना गरेको कार्यक्रममा अध्यक्ष प्रचण्डले प्रधानमन्त्रीको चाबी आफूसँगै रहेकाले ‘रौतहट’लाई संकटग्रस्त जिल्ला घोषणा गराउने आश्वासन दिए ।
बाढीबाट भएको क्षतिको जानकारी र रौतहटलाई संकटग्रस्त जिल्ला घोषणा गराउन दबाब दिने उद्देश्यसहित आयोजित उक्त कार्यक्रममा अध्यक्ष प्रचण्डले बाढीबाट सबैभन्दा प्रभावित भएको जिल्ला रहेकाले रौतहटलाई संकटग्रस्त जिल्ला घोषणा गराउने दोहार्याएको मिडिया एनपीले लेखेको छ ।
भारतीय पक्षले सीमानामा रहेका बाँध र पानी निकासका ढोकाहरु समयमै नखोल्दा नेपाली पक्षको ठूलो धनजनको क्षति भएको भन्दै पूर्वप्रधानमन्त्री समेत रहेका प्रचण्डले परराष्ट्र मन्त्रालय र भारतीय दूतावाससँग कुरा गर्दा पनि भारतीय पक्षले बाँधका ढोकाहरु सयममै खोल्न अटेर गरेको स्वीकारे ।
