सुरिलो स्वरकी धनी सिता

लोकसंगीतमा लाग्न सानो तिनो लगावले पुग्दैन । त्यसको लागि लगनशीलता हुनु आवश्यक हुन्छ । तर कोहीका लागि भने भगवानले पनि साथ दिदोरैछ । यस्तै अपवादका साथै भाग्यमानी गायिका हुन सिता श्रेष्ठ । उनको स्वर सुनेर सबैलाई संगीत प्रशिक्षण लिएर संगीत क्षेत्रमा प्रवेश गरेको हो की भन्ने भान हुन्छ । तर उनको कण्ठ कोईलीको जस्तो लाग्छ । प्राकृतिक रुपमा नै साह्रै मिठो उनको स्वर अहिले देश विदेशमा बस्ने प्रत्येक नेपालीको मुखमा झुण्डिने भएको छ । सानैदेखि संगीतमा रुचि भए पनि उनले औपचारिक कक्षाबिना नै यस क्षेत्रमा लागिरहेकी छिन् ।
अहिले भने देशको विभिन्न ठाउँमा भएका कार्यक्रममा स्टेज कार्यक्रमको लागि बोलाउने क्रम बाक्लो रुपमा अगाडी बढीरहेको छ । उनले हालसम्म विभिन्न लोकदोही गीतमा स्वर दिएकी छिन् । तीजको गीतमा उनले आफ्नो सुमधुर आवाज दिएकी छिन् । अहिलेसम्म १६ वटा गीतमा स्वर दिएकी उनलाई गीत गाउने अफर आउने क्रम जारी छ । यस्तै गरेर विभिन्न देशबाट पनि बोलाउने क्रम जारी रहेको र निकट भविष्यमै विदेशमा कार्यक्रमको लागि जान लागेको उनले बताएकी छिन् । नेपाली लोक गीतको आफ्नो छुट्टै पहिचान बनाउन सफल गायिक विष्णु माझीको स्वरसँग मेल खाने उनलाई भविष्यमा अझै सफलता मिलोस हाम्रो शुभकामना ।