सर्बहाराको नेता भन्ने प्रचण्डको यस्तो छ जंगे शैली,नातिलाई मात्र बुझाऊछन् मासिक लाखौको थैली
सर्बहारा वर्गको अग्रदस्ता भनेर प्रचार गराएका माओबादी अध्यक्ष प्रचण्डको सामन्ती शैलीले उनको असली नियत देखाएको धेरै भयो। र पनि उनी बेलाबखत राजा महाराजा लाई चक्मा दिने गतिबिधी गर्छन।
बालबालिकालाई किङ र क्वीनका रुपमा स्वीकार गरेर हुर्काउने मुलुक उत्तर कोरिया हो । त्यसैले त्यहाँका बालबालिका बालापनदेखि नै देशको गीत गाउँछन् र स्वाभिमानी हुन्छन् ।
पशुपतिशमशेर जबराले राप्रपा प्रजातान्त्रिक गठन गरेका छन्, उनी नाती जर्नेल हुन् । जन्मदै जर्नेल हुनपाउने शौभाग्य उनलाई प्राप्त भयो । त्यतिबेला जहाँनियाँ शासन थियो, उनी जन्मे, नाती जर्नेल भए ।
अहिले त लोकतन्त्र छ । भूकम्प गयो, बाढीपहिरोले अस्तव्यस्त बनायो । लाखौं बालबालिकाको पढनपाठनमात्र होइन, तिनको जीवन नै जोखिममा छ । तर एउटा बालक अर्थात प्रचण्डका डेढवर्षका नाती जर्नेलभन्दा कम भाग्यमानी छैनन् । उनी पजेरो चढेर स्कूल जान्छन् भनेपछि उनको रहनसहन जर्नेली खान्कीभन्दा कम होला र ?
माओवादी कारखानाबाट उत्पादित बालक हुन् यी । उठेर मुत्नेका छोराले घुमाएर मुत्छन् भन्ने नेपाली उखान छ । देशै हल्लाउने प्रचण्डका त नाती, यिनले केमात्र नगर्लान् । हामी नबाँचौंला, बाँच्ने सन्ततीले यिनको करामत देख्ने भोग्ने छन् ।
जनयुद्धकालमा बोर्डिङ भनेपछि बम पड्काएर उडाइयो । जो बचे चन्दा दिएर बचे । शायद बचेकै मध्येको एउटा निजी बोर्डिङमा प्रचण्डका नाती पजेरोमा पढ्न जाने गरेका छन् । त्यो स्कूलको नाम हो स्टेपिङ स्टोन इन्टरनेशनल प्रि स्कूल । प्रचण्डजस्ता अन्तर्राष्ट्रिय स्तरको नेताको नातीले नेशनल स्कूलमा पढ्ने कुरा पनि त भएन ।
र, नेपालीले चलाएको स्कूलमा पढ्नु गलत हुन्थ्यो । त्यसैले भारतीय नागरिकको लगानी रहेको त्यही मण्टेश्वरीमा पढ्छन् नाती प्रचण्ड । त्यहाँ मासिक पचासौ हजार खर्च हुने गर्दछ।
