२ नम्बर प्रदेशमा एमालेले यसरी छान्यो उम्मेदवार
प्रमुख पर्तिपक्षी दल एमालेले प्रदेश नम्बर २ का ८ जिल्लाका १३६ मध्ये ११६ स्थानीय तहका उम्मेदवारको टुंगो लगाएको छ । बाँकी २० स्थानीय तहका मेयर र उपमेयरको टुंङ्गो भदौ १५ अघिनै लगाउने एमालेले जनाएको छ ।
वीरगन्ज महानगरपालिका सहित अधिकांश स्थानीय तहमा उम्मेदवार तय गरेर एमालेले प्रचार प्रसारमा खटाइसकेको प्रदेश सहसंयोजक नागेन्द्र चौधरीले बताए ।वीरगन्जको मेयरमा एमालेले बसुरुद्धिन अन्सारी र उपमेयरमा सोफिया आचार्यलाई उम्मेदवार बनाएको छ । चौधरीका अनुसार सिरहा,सप्तरी र पर्साका सबै स्थानीय तहका उम्मेदवार तय भइसकेका छन् ।
प्रदेशका तीन उपमहानगरपालिकामा उम्मेदवार तय हुन बाँकी छन् ।
अध्यक्ष केपी ओली बैकक बाट फर्किएपछि भदौ १५ गते १३६ स्थानीय तहकै उम्मेदवारको नाम सार्वजनिक गरिने चौधरीले बताए । एमाले १ महिना अगाडी बाटै २ नम्बर प्रदेशमा होमिएको छ।
प्रकाशित मिति : ११ भाद्र २०७४, आइतबार ०६ : ४३ बजे
