प्रचण्डले मुख खोले पछी एमाले पनि हौसियो,देउवालाई सोत्तर पार्न एमाले र प्रचण्डको यस्तो दोस्ती

सत्ता साझेदार नेकपा माओवादी केन्दका अध्यक्ष पुष्पकमल दाहाल प्रचण्डले प्रमुख प्रतिपक्षी नेकपा एमालेसँग गठबन्धन गर्ने भएका छन् ।
भारत भ्रमणमा रहेका प्रधानमन्त्री एवं कांग्रेस सभापति शेरबहादु देउवा संविधान संशोधनबारेको अभिव्यक्ति र सप्तकोशीमा उच्च बाँध बनाउने सम्झौताले विवादमा तानिएका बेला प्रचण्डले एमालेसँग सहकार्य हुनसक्ने बताएका हुन् ।

शनिबार प्रेस सेन्टरले कैलालीको धनगढीमा आयोजना गरेको पत्रकार सम्मेलनमार्फत अध्यक्ष प्रचण्डले एमालेसँग सहकार्य हुनसक्ने कुराको खुलासा गरेका हुन् । उनले दुई नम्बर प्रदेशमा हुन लागेको स्थानीय तहको तेस्रो चरणको चुनावमा एमालेसँग पनि तालमेल हुनसक्ने जानकारी दिँदै आगामी दिनमा गठबन्धन नै बन्न सक्ने संकेत गरेका हुन् ।
दुई नम्बर प्रदेशमा माओवादी केन्द्रले तालमेल गर्छ कि गर्दैन भन्ने प्रश्नमा प्रचण्डले मधेश केन्द्रित दल, काँग्रेस र एमालेसँग तालमेल गर्न सकिने स्पष्ट पारे । उनले भने– ‘नीतिगत रुपमा काँग्रेस र एमालेसँग पनि तालमेल गर्न सकिन्छ ।’
प्रचण्डको यो भनाईले प्रधानमन्त्री भारत भमणपछि कांग्रेससँगको सहकार्य तोडेर एमालेसँग जोडिने मनस्थितीमा पुगेको बुझ्न सकिन्छ । यद्यपी देउवा भारतबाट फर्किएपछि उनको धारणा बुझेर प्रचण्ड अगाडि बढ्ने बताइन्छ । एता एमालेले देउवाको राजिनामा मागेको छ।