प्रधानमन्त्री राहत कोषमा रु २५ लाख



काठमाडौँ । राष्ट्रिय सहकारी संघले प्रधानमन्त्री राहत कोषलाई रु २५ लाख प्रदान गरेको छ ।

सो संस्थाले यसअघि भूकम्पपीडितका लागि रु २५ लाख प्रदान गरेको थियो । ंउक्त रकम संघको प्राकृतिक विपत्ति उद्धार कोषबाट प्रधानमन्त्रीलाई हस्तान्तरण गरिएको हो ।

साउन २७ गतेदेखि २९ गतेसम्म परेको अविरल वर्षापछि आएको बाढी, पहिरो र डुबानका पीडितका लागि उक्त रकम हस्तान्तरण गरिएको हो ।

त्यसैगरी संघले मातहतमा रहेका केन्द्रीय सहकारी संघ राष्ट्रिय सहकारी बैंक, जिल्ला संघ तथा विषयगत संघलगायत ३४ हजारभन्दा बढी प्रारम्भिक सहकारी संस्थालाई समेत सक्दो सहयोग उपलब्ध गराउन आग्रह गरेको छ ।

संघले जम्मा गरेको रकम राष्ट्रिय सहकारी बैंक लि शाखा कार्यालय बानेश्वरको खाता नं १३–०००२४–२९ र राष्ट्रिय वाणिज्य बैंक नयाँ बानेश्वरको दैवी प्रकोप उद्धार कोषको खाता नं १४२००–३४३५१–१० मा रकम जम्मा गर्न पनि आह्वान गरेको छ ।

संघका अध्यक्ष तथा सांसद केशव वडाल नेतृत्वको टोलीमा संघका उपाध्यक्ष तथा सांसद ओमदेवी मल्ल, सञ्चालक रवीन्द्र केसी, चन्द्र ढकाल, दक्ष पौडेल, शिवकुमार डाँगी, सूचना तथा प्रकाशन उपसमितिका सदस्य विपिन शर्मा, महाप्रबन्धक रामभजन शाह, नायब महाप्रबन्धक चित्राकुमार थाम्सुहाङ सुब्बा हुनुहुन्थ्यो ।

 

प्रतिक्रिया दिनुहोस
गृहसहित ४ मन्त्रालयमा रास्वपाको दाबी

    नयाँ सत्ता समीकरण बनेसँगै दलहरुबीच शक्ति बाँडफाँटको सकस सुरु भएको छ

सरस्वती बहुमुखी क्याम्पसमा राष्ट्रिय प्रजातान्त्रिक विद्यार्थी संगठन अधिवेशन सम्पन्न

राष्ट्रिय प्रजातान्त्रिक विद्यार्थी संगठन सरस्वती बहुमुखी क्याम्पस इकाई कमिटिको एतिहासिक प्रथम अधिवेशन भव्यताका

एमालेले माग्यो कोशीमा मुख्यमन्त्रीको राजीनामा

    काठमाडौंमा माओवादी केन्द्रसहितका दलसँग सत्ता समीकरण बनेपछि एमालेले कोशीका मुख्यमन्त्री केदार

प्याकेजमै सहमति गर्ने गठबन्धनको तयारी

    गठबन्धनमा शक्ति बाँडफाँटमा सहमति जुटाउन नेताहरूको बैठक बालुवाटारमा जारी छ ।