देउवाले एकलौटी गरे पछी रामचन्द्रको आक्रोश,पार्टी भित्रै घेराबन्दी पारेर देउवालाई सुताईने

सरकारले आगामी मङ्सिर १० गतेको लागि घोषणा गरेको प्रदेश र संघीय निर्वाचनको मितिलाई लिएर नेपाली कांग्रेसभित्र तिब असन्तुष्टी देखिएको छ ।
पार्टी सभापति समेत रहेका प्रधानमन्त्री शेरबहादुर देउवाले पार्टी र संसदीय दलमा समेत छलफल नगरी आफूखुसी निर्णय गरेको भन्दै बरिष्ठ नेता रामचन्द्र पौडेल समूहले असन्तुष्टी प्रकट गरेको छ ।

सो समूहका एक प्रभावशाली नेताले भने– प्रधानमन्त्रीले आफ्नै पार्टीभित्र समेत छलफल नगरी सबैलाई अन्यौलमा राखेर निर्णय गर्नु भयो । यसले पार्टीलाई गंभिर क्षति गर्छ ।उनले थपे– देउवाले पहिलादेखि पार्टीभित्र कुनै छलफल नै नगरी निरकुंश शैलीमा आफूलाई प्रस्तुत गरिरहनु भएको छ । यसको हामी प्रतिबाद गर्छौ, अब त्यसै चुप लागेर बस्दैनौ ।

पार्टीका अधिकांश सांसदहरु समेत सरकारको यो निर्णयबाट असन्तुष्ट बनेका छन ।
उनीहरुले पनि सभापतिले कुनै छलफल नगरी आफू खुसी निर्णय गर्ने गरेको गुनासो सुनाए ।
पौडेल समूह यो विचमा पुरक बजेट ल्याएर मात्रै पार्टीभित्रको छलफलपछि मिति तोक्नु पर्ने पक्षमा देखिएको छ ।
सरकारको यो निर्णय विरुद्ध पार्टीभित्र तिब्र बहस चलाउने तयारीमा पौडेल समूह लागेको बताईएको छ ।