डिआइजीमा एक नम्बरमा बढुवा भएका नवराज सिलवाल आफु भन्दा जुनियरहरु एआइजीमा बढुवा हुंदा पनि उनि डिआइजीमानै थन्कीएका छन । अदालतमा उनको मुद्धा बिचाराधीन अवस्थामा रहेका कारण उनको बढुवा भएन ।केन्द्रीय अनुसन्धान व्युरोमा रहेर एयरपोर्टमा ३३ किलो सुन काण्डका नाइके देखि आफु भन्दा एक तह मुनीका एसएपी श्याम खत्रीलाई हतकडी लगाउने डिआइजी पनि नवराज सिलवाल हुन् । त्यती मात्र होइन नेपाल प्रहरीमा रहंदा अपराध अनुसन्धानका क्षेत्रमा सिलवालले गरेका कामहरु प्रहरी प्रधान कार्यालयको दस्तावेजहरुमा सुरक्षित छन् । तर, यतिका धेरै काम गर्ने डिआइजी सिलवाललाई गृहमन्त्रालयको निर्णय अनुसार हिजो देखि कामै नहुने राष्ट्रिय सुरक्षा परिषदमा थन्काइएको छ । अपराध अनुसन्धानमा नेपाल प्रहरीका अब्बल प्रहरी अधिकारी सिलवाललाई अन्याय पुर्ण रुपमा राष्ट्रिय सुरक्षा परिषदमा सरुवा गरिएको हो । कामै नलाग्ने ठाउँमा थन्क्याएर सिलवाल प्रती घोर अन्याय भएको छ।
