कांग्रेसी वकिललाई देउवाको लात,महान्यायाधीवक्तामा भण्डारीको खोजे साथ

कांग्रेसी वकिल लाई प्रधानमन्त्री शेर बहादुर देउवाले लात हानेका छन।कांग्रेसको राजनितीमा रमाएका र सक्रिय वकिललाइ पाखा लगाउदै सक्रिय राजनीतिमा नरहेका लाइ चाबी दिने भएका हुन्।
सरकारले वरिष्ठ अधिवक्ता वसन्तराम भण्डारीलाई महान्यायाधीवक्ताका रुपमा नियुक्त गर्ने भएको छ। पुष्पकमल दाहाल प्रचण्ड प्रधानमन्त्री हुँदा नियुक्त भएका रमण श्रेष्ठले साउन २९ गते राजीनामा दिएपछि सरकारको कानुनी सल्लाहकार पद खाली थियो। खाली पदपूर्ति गर्न प्रधानमन्त्री शेरबहादुर देउवाले उनलाई रोजेका हुन्।

दलगत राजनीतिमा सक्रिय नरहेका अधिवक्ता भण्डारी कर्पोरेट लयरका रुपमा स्थापित पुराना कानुन व्यवसायी हुन्। २०३३ सालमा नेपाल बार एसोसिएसनका सदस्यसमेत रहेका उनी कानुनी क्षेत्रमा प्रतिष्ठित वकिल हुन्। बारका महासचिब खम्म खाती र केदार कार्की चर्चामा थिए तर अन्तिममा भण्डारी देउवाको रोजाईमा परेको सूत्रको भनाइ छ।