२० नम्बर वडाको मतपरिणाम धमाधम सार्वजनिक हुँदा मेयरका दुई उम्मेदवार एमालेका देवी ज्ञवाली र माओवादी–कांग्रेस गठबन्धनकी रेणु दाहालको मतअन्तर निकै साँघुरिसकेको छ । १६०० मत गणनापछि सार्वजनिक गरिएको परिणामअनुसार देवी जम्मा ३२ मतले अग्रतामा छन् ।
२० नम्बर वडाको मतगणना हुनअघि उनी २२१ मतले अगाडि थिए । तर, रेणुले निरन्तर अग्रता घटाइरहँदा भिडन्त निकै रोचक बनेको हो ।
२० नम्बर वडामा ३ हजार ३ सय २ मत खसेकोमा १२०० मत गणना भइसकेको छ । अब २१ सय २ मत गणना गर्न बाँकी छ ।
