काठमाडौँ । भौतिक पूर्वाधार तथा यातायातमन्त्री वीरबहादुर बलायरसँग नेपालका लागि चिनियाँ राजदूत यु हङबीच शिष्टाचार भेट भएको छ । मन्त्रालयमा बिहीबार भएको भेटमा राजदूत हङले स्याफ्रुबँेसी–रसुवागढी सडक निर्माणको काम छिट्टै गर्ने प्रतिबद्धता व्यक्त गरे ।
हङले चिनियाँ लगानीमा सञ्चालित परियोजना चाँडो सम्पन्न गरी थप योजनामा सहयोग गरिने विश्वास दिलाएको मन्त्री बलायरका प्रेस सहयोगी रमेश जोशीले जानकारी दिएका छन् ।
मन्त्री बलायरले अरनिको राजमार्गमा दोस्रो चरणको मर्मत गर्न चीन सरकारको सहयोगका लागि अनुरोध गरेका थिए । अरनिको राजमार्ग मर्मत गर्न चीन सरकार सकारात्मक रहेको राजदूत हङले जानकारी दिए । नेपालमा पूर्वाधार निर्माणका काममा निरन्तर सहयोग गर्न चीन सरकार तयार रहेको पनि हङको भनाई थियो ।
