ओखरपौवामा फोहोर फाल्न फेरी अवरोध
नुवाकोट । वर्षाको समयमा फोहोर व्यवस्थापनमा काठमाडौँ महानगरपालिकाले लापरबाही गरेको आरोप लगाउदै ओखरपौवाका स्थानीयले फोहोर फाल्न रोक लगाएको छ । नुवाकोट ओखरपौवामा काठमाडौँ उपत्यकाको फोहोर फाल्न स्थानीय बासिन्दाले अवरोध पु¥याएका हुन् ।
वर्षाको समयमा फोहोर व्यवस्थापनमा काठमाडाँै महानगरपालिकाले लापरवाही गरेको भन्दै विरोधमा आज बिहानैदेखि स्थानीय बासिन्दाले फोहोर बोकेर ओखरपौवा आइपुगेका गाडी रोकेर अवरोध गरेका छन् । अघि पनि पटक पटक उनीहरुले फोहोर फाल्न अवरोध गरेका थिए ।
स्थानीयवासीको अवरोधका कारण उपत्यकाबाट फोहोर बोकेर डम्पिङ क्षेत्र ओखरपौवा आइपुगेका एक सयभन्दा बढी गाडी बीच सडकमा नै रोकिएका छन् । स्थानीय बासिन्दाले फोहोर फाल्ने डम्पिङ क्षेत्रमा फोहोरको विर्सजनपश्चात् दुर्गन्ध फैलन नदिन माटोले पुर्नुपर्ने र औषधि छर्केर रोगको संक्रमण नियन्त्रण गर्नुपर्ने दुईबुँदे माग राखेर फोहोर फ्याक्न अवरोध पु¥याएका हुन् ।
यस अघिदेखि नै स्थानीयवासीले फोहोर व्यवस्थापनमा सुधारको माग राख्दै आए पनि बेवास्था गरेपछि बाध्य भएर रोक्नुपरेको ककनी गाँउपालिका–२ का वडा अध्यक्ष घननाथ बज्रगार्इंले जानकारी दिए । अवरोध खुलाउन काठमाडौँ महानगरपालिकाको प्रतिनिधि एंव जनप्रतिनिधि र स्थानीयबासिन्दाबीच प्रयास शुरु गरेको छ ।
