राजस्व छलीका अभियुक्त चुडामणि अख्तियार बाट प्रहरीको हिरासतमा किन सरुवा गरिए?

कर फर्छ्यौट आयोगमार्फत कर मिनाहा दिइएको अभियोगमा खेपेर अख्तियार दुरुपयोग अनुसन्धान आयोगको हिरासतमा रहेका आन्तरिक राजश्व विभागका निलम्बित महानिर्देशक चुडामणि शर्मालाई न्यायीक हिरासतमा राख्न सर्वोच्च अदालतले निर्देशन दिएको छ ।

सर्वोच्चको फैसलासँगै शर्मा अब प्रहरीको हिरासतमा रहने छन् । राजश्व अनियमितताको आरोपमा अख्तियारले शर्मालाई गत जेठ १९ गते समातेको थियो । उनी माथी २१ अर्ब भन्दा बढी अपचलन गरेको आरोप लागेको छ।

न्यायधीशहरू केदारप्रसाद चालिसे, दिपकराज जोशी, शारदाप्रसाद घिमिरे, दिपक कुमार कार्की, र अनिलकुमार सिन्हाको पूर्ण इजलाशले उक्त आदेश दिएको हो । शर्माकी श्रीमतीले दायर गरेको बन्दी प्रत्यक्षीकरणको रिटमाथि सर्वोच्चले यस्तो आदेश दिएको हो । अब शर्माको बास प्रहरी हिरासतमा हुने छ।