भौतिक आक्रमण गरेरै भएपनि परिक्षा रोक्छौं



ज्योतिनारायण ढकाल
उपाध्यक्ष, अस्थायी शिक्षक संघर्ष समिति

शिक्षा मन्त्रालयसँग भएको चारबुँदे सहमति तुहियो भन्न मिल्छ ?

तुहियो भन्न त अझै मिल्दैन । अझै पनि सहमति कार्यान्वयनका लागि पहल भइरहेको छ । आमरण अनसनपछि शिक्षामन्त्रालयसँग चारबुँदे सहमति भएको थियो । जस अनुसार माग सम्बोधन गर्नका लागि एउटा कार्यदल समेत गठन भएको थियो । ऐन संशोधनका लागि पनि छलफल अगाडि बढेको थियो । तर कार्यदलले प्रभावकारी रुपमा काम गरेन । ढिला सुस्ती र हेल्चेक्राइँ बढी भयो । शिक्षामन्त्रीले आयोगका अध्यक्षलाई बोलाएरै परीक्षा सार्नका लागि अनुरोध पनि गर्नु भएको हो । शिक्षामन्त्री हाम्रा माग सम्बोधनप्रति सकारात्मक हुँदाहुँदै पनि शिक्षक सेवा आयोग, शिक्षक महासंघको असहयोगका कारण सहमति कार्यान्वयन नहुने सम्भावना भने बढ्यो भन्न सकिन्छ ।

सहमति कार्यान्वयन हुन नदिनका लागि शिक्षक महासंघ नै लाग्यो भन्न खोज्नु भएको हो ?

महासंघमा पनि राम्रो व्यक्तिहरु हुनुहुन्छ । जो हामीलाई निरन्तर समर्थन गरिरहनु भएको छ । हरेक पटक साथ पनि दिइरहनु भएको छ । तर, महासंघभित्र केही व्यक्तिहरु हुनुहुन्छ । जो हाम्रा माग पूरा भएको हेर्न चाहनुहुन्न । उहाँहरु हाम्रा विरुद्धमा लाग्नु भएको छ । हामी विरुद्ध लविङ नै गर्नु भएको छ । यदि अबका दिनमा महासंघबाट पूर्ण समर्थन नआए हामी महासंघकै विरुद्धमा पनि आन्दोलन गर्न बाध्य हुनुपर्छ ।

सहमति कार्यान्वयन नभइसकेपछि अबको कार्यक्रम के हुन्छ ?

पुनः आन्दोलनमा जानुको विकल्प हामीसँग छैन । त्यसैले साउन १८ गतेदेखि पुनः राजधानीको भद्रकालीमा आमरण अनसन बस्ने कार्यक्रम छ । त्यसका लागि मेचीदेखि महाकालीसम्मबाट शिक्षकहरु राजधानी आउने क्रम सुरु भइसकेको छ । हामी हरेक पटक आन्दोनल गरिरहने पक्षमा छैनौ । अबको आन्दोलन निर्णायक बनाउनका लागि हामी लागेका छौ । अबको हाम्रो आन्दोलन अराजक पनि हुन सक्छ । हामी विरुद्ध लाग्नेलाई कालोमोसो दल्ने, पुत्ला दहन गर्नेसम्मका कार्यक्रम गर्न बाध्य हुनेछौ ।

विगतमा पनि सहमति भएकै हो । सहमति अनुसार काम पनि भइरहेको छ । आन्दोलन गर्नका लागि हतारको निर्णय गरे जस्तो लाग्दैन ?

सहमति कार्यान्वयन गर्नका लागि सरकारले ढिला सुस्ती गरेको देखिन्छ । कार्यदलले १५ दिनमा सकाउने काम थप १० दिन थप गर्दा समेत गर्न सकेको छैन् । उहाँहरुले सहमति कार्यान्वयन गर्नका लागि चासो देखाएको देखिन्न । हामीले हतारको निर्णय गरेका होइनौ । १६ गतेसम्म समय दिएका पनि छौ । फेरि परीक्षा पनि नजिक आइरहेको छ । यस्तो अवस्थामा हामी कडा रुपमा आन्दोलनमा जानुको विकल्प छैन् ।

अबको आन्दोलन कस्तो खालको हुन्छ र माग के के छन् ?

हामीहरुको माग ऐन संशोधन भएर सबै शिक्षकलाई समान रुपमा परीक्षामा सहभागी हुनुपर्छ, परीक्षामा ४० अंक ल्याउनेलाई स्वतः स्थायी गर्नुपर्छ, परीक्षामा असफल हुनेलाई सेवा सुविधा दिएर बिदाइ गर्नुपर्छ भन्ने हो । त्यसमाथि औषधी उपचार खर्च, स्थायी सरह सेवा सुविधा पाउनु पर्छ भन्दै आएका छौ । यी मागहरु पूरा हुनुपर्छ । यी माग पूरा नहुँदासम्म हाम्रो आन्दोनल चलिरहन्छ । अब हामी कागजमा सहमति मात्रै गरेर छाड्दैनौ । परीक्षा स्थगित गरेको सूचना आउनु पर्छ, र ऐन संशोधनको प्रक्रियामा नजाँदासम्म हाम्रो आन्दोलन चलिरहन्छ ।

तपाईहरु आन्दोलन गरिरहने, तर परीक्षा भदौ ३ गते नै भयो भने आन्दोलनको अर्थ त रहेन नि होइन ?

पक्कै पनि । अहिले हामीले राखेको माग के हो भने परीक्षा कुनै पनि हालतमा ऐन संशोधन नभइ गर्नै हुन्न । अहिलेकै अवस्थामा परीक्षा भयो भने अस्थायी शिक्षकहरु माथि अन्याय हुन्छ भनेर बारम्बार भन्दै आएका छौ । अहिलेको प्रक्रियामा जाने हो भने १० प्रतिशत शिक्षक पनि स्थायी हुन पाउँदैनन् । यस्तो अवस्थामा हामी ऐन संशोधन गरी सबै अस्थायी शिक्षकलाई व्यवस्थापन गर्न खोजेका हौ । यदि आयोगले हाम्रो माग नसुनी भदौ ३ गते नै परीक्षा गर्न खोज्छ भने हामी भौतिक आक्रमणमा उत्रेर भए पनि परीक्षा हुन दिँदैनौ ।

प्रतिक्रिया दिनुहोस
समानीकरण अनुदान बढाउदै लैजान्छौँ: प्रधानमन्त्री

प्रधानमन्त्री पुष्पकमल दाहालले वित्तीय समानीकरण अनुदान घटाउने पक्षमा सरकार नरहेको बताएका छन्। प्रदेश

प्रधानमन्त्री लाई विश्वासको मत नदिन कांग्रेसको निर्देशन

प्रमुख प्रतिपक्षी नेपाली कांग्रेसले प्रधानमन्त्री पुष्पकमल दाहाल ‘प्रचण्ड’ लाई विश्वासको मत नदिन आफ्ना

सभापति देउवा भन्छन गठबन्धनमा समस्या छैन

  नेपाली काँग्रेसका सभापति शेरबहादुर देउवाले सत्तागठबन्धन दलबीच कुनै समस्या नरहेको बताउनुभएको छ

डीआईजी चन्दले फिर्ता लिए राजीनामा पत्र

  अन्तर्राष्ट्रिय त्रिभुवन विमानस्थलका डीआईजी अर्जुन चन्दले राजीनामा पत्र फिर्ता लिएका छन् ।