साझा प्रकाशनका पूर्व कर्मचारी वर्तमान सञ्चालक समितिसँग किन खनिए ?
काठमाडौं । साझा प्रकाशनको संस्थामा भ्रष्टाचार मौलाएको र संस्था छोड्दा पनि लामो समयसम्म पारिश्रमिक नपाएको भन्दै पूर्व कर्मचारी वर्तमान सञ्चालक समितिसँग खनिएका छन् ।
साझा प्रकाशनद्वारा आयोजित पत्रकार सम्मेलन तथा सार्वजनिक सुनुवाइ कार्यक्रममा पूर्व कर्मचारी वर्तमान सञ्चालक समितिसँग खनिएका हुन् ।
साझा प्रकाशनबाट अवकाश पाएका कर्मचारीहरुले पहिले काम गर्दाको सेवा सुबिधा लामो समयसम्म नपाएको भन्दै आक्रोश पोखेका छन् । आईतवार साझाद्धारा आयोजिक सार्वजनिक सुनुवाई तथा पत्रकार सम्मेलनमा सहभागी भएका पूर्व कर्मचारीहरुले संस्थामा चरम भ्रष्टाचार मौलाएको भन्दै संस्थाका मावर्तमान नेतृत्वप्रति रोष प्रकट गरेका हुन् । अर्ध सरकारी स्वमित्वको उक्त प्रकाशन गृह आन्तरिक किचलो र चरम राजनीतिक हस्तक्षेपका कारण शिथिल बनेको छ ।
