एकताबद्ध भएर क्रियाशील बन्न पार्टीका नेता तथा कार्यकर्तालाई निर्देशन



नेपाली काँग्रेसका वरिष्ठ नेता रामचन्द्र पौडेलले सङ्घ र प्रदेशको आसन्न निर्वाचनका लागि एकताबद्ध भएर क्रियाशील बन्न पार्टीका नेता तथा कार्यकर्तालाई निर्देशन दिनुभएको छ ।

नेपाली काँग्रेसका अगुवा कार्यकर्तासँग शनिबार आयोजित छलफल एवं अन्तरक्रियामा उहाँले राष्ट्र र लोकतन्त्रको रक्षाका लागि आसन्न प्रदेश र सङ्घको निर्वाचनमा काँग्रेसले जित्नु आवश्यक भएको बताउनुभयो ।

नेकपा ९एमाले०को सर्वसत्तावादी चरित्र लोकतन्त्रका लागि घातक हुने बताउँदै उहाँले लोकतन्त्र खतरामा पर्नुले राष्ट्र नै खतरामा पर्ने जिकिर गर्नुभयो ।

पार्टीमा धेरै संकट देखिएको बताउँदै उहाँले प्रत्येक नेता तथा कार्यकर्तामा मैलेभन्दा पनि पार्टीले जित्नुपर्छ भन्ने भावनाको विकास हुनुपर्र्ने उल्लेख गर्नुभयो ।

सामाजिक विकासका साथै जनसरोकारका विषयलाई बोकेर आमजनताको भावनालाई जित्नका लागि क्रियाशील बन्न उहाँले आग्रह गर्नुभयो ।

कार्यक्रममा नेपाली काँग्रेस कास्कीका सभापति कृष्ण केसी, जिल्लाका पूर्व सभापति सोभियतबहादुर अधिकारी, अन्नपूर्ण गाउँपालिकाका प्रमुख युवराज कुँवर, देवराज चालिसे, गंगाधर पराजुली, शिरोमणि बराल, लक्ष्मी पाण्डे, माया बराल, नीलकण्ठ शर्मालगायतले स्थानीय तहको निर्वाचनमा भोगेको पराजयलाई आत्मसात् गरी आसन्न निर्वाचनमा पार्टीलाई विजयी बनाउन सबै आ–आफ्ना ठाउँबाट जुट्नुपर्नेमा जोड दिनुभयो ।

प्रतिक्रिया दिनुहोस
कैलाश सिरोहिया धनुषा प्रहरीको हिरासतमा

    नागरिकता प्रकरणमा छानविनका लागि पक्राउ परेको कान्तिपुर मिडिया ग्रुपका अध्यक्ष कैलाश

एकसिंगे गैँडाको खागसहित ६ जना पक्राउ

    दुई करोडमा किनबेचका लागि मोलमोलाई भइरहेको दुर्लभ वन्यजन्तु एकसिंगे गैँडाको खागसहित

प्रधानमन्त्री प्रचण्डको सम्पत्ति, १४ कट्ठा जमिन र २५ लाख नगद

    प्रधानमन्त्री पुष्पकमल दाहाल प्रचण्डले सम्पत्ति विवरण बुझाएका छन् ।  तीनपटक प्रधानमन्त्री

सिरोहिया पक्राउ अपराध ढाकछोप गर्ने दुष्प्रयास : गगन

    नेपाली कांग्रेसका महामन्त्री एवम् प्रतिनिधिसभाको सांसद गगन थापाले कान्तिपुर मिडिया ग्रुपका