देउवाका दूतले दिल्लीमा भाजपामा महासचिबलाइ किन भेटे?
पूर्व परराष्ट्रमन्त्री एवं नेपाली काँग्रेसका नेता डा प्रकाशशरण महत र भारतीय जनता पार्टीका महामन्त्री राममाधवबीच आज बिहान नयाँ दिल्लीमा भेटवार्ता भएको छ । भाजपा आबद्ध बुद्धिजीवीहरु (थिङट्याक) इन्डियन काउन्सिल फर इन्टरनेशनल कोअपरेशनद्वारा नयाँ दिल्लीमा आयोजित ‘नेपाल–भारत सम्बन्ध र भूराजनीतिक अवस्था’ विषयक गोष्ठीमा प्रमुख अतिथिका रुपमा सहभागी हुन डा महत नयाँ दिल्ली पुग्नुभएको हो ।
नयाँ दिल्लीबाट डा महतले दिनुभएको जानकारीअनुसार उहाँहरुबीच नेपाल–भारत सम्बन्धका साथै वर्तमान, राजनीतिक अवस्थाका विविध विषयमा कुराकानी भएको थियो । त्यसअवसरमा नेता डा महतले नेपालमा सम्पन्न स्थानीय तहको निर्वाचन तथा प्रदेश र केन्द्रको निर्वाचनको तयारीका विषयमा नेता माधवलाई जानकारी गराउनुभएको थियो । उहाँहरुबीच नेपाली काँग्रेस र भाजपाबीच आगामी दिनमा असल सम्बन्धलाई अझ सुदृढ गर्ने विषयमा समेत कुराकानी भएको थियो ।
